Tuesday, March 27, 2007

نورا نورا 5

يجلس هلمر 2 على الصوفا ويقيس ضغطه ... نورا 2 جالسه أمام الكمبيوتر.. من المطبخ تأتي نورا 1 حامله كوب به سائل أخضر هلمر 1 يحمل كأساً من النبيذ الأحمر .. تجلس نورا1على الصوفا جنب هلمر 2 وتضع الكوب على الطاوله .. هلمر1
يتحرك جيئةً وذهاباً خلف نورا 2 ويراقبها وهو يرشف النبيذ يسعل ليجذب انتباهها بلا فائده
نورا1:يالا إشرب ده
هلمر2:(يركز على ضغط دمه ) شيح
نورا1:أنا آسفه سيرولينا
هلمر2(غلق جهاز الضغط) :مش فاهم ضغطى واطى بشكل خطير كده ليه 110 / 70
نورا1:محدش يموت من ضغط الدم الواطى
هلمر2:ضغط الدم الواطى علامه على ميت مرض خطيرخدي عندك نزيف داخلى .. دا أأقل حاجه .. وده روخر ممكن يكون نتيجه مليون مرض ملوش حل .. ممكن تعمليلى حبه مساج
نورا1:الأول تشرب السيرولينا بتاعتك
عصير أعشاب بحريه ...
هلمر2:وأنا اللى بكره السمك (يشم الكوب بقرف)
نورا1:حبيبى فكر فى العصير على إنه الحاجه الوحيده اللى هتمنع السرطان من إنه يقهرك
هلمر2:للأسف السرطان مش هو الحاجه الوحيده اللى ممكن تموت (يغلق عينه ويشرب الكوب بشئ من القرف) الحرب الشرسه اللى الواحد بيخوضها ضد الموت .... بترهق الواحد وتنهكه .. أحيانا بأحس خلاص إنى هسلم .. وأحيانا ببقى عايز اسلم
نورا1:هتسلم نفسك لأيديا وتتمتع يا حلو (تبدأ فى عمل مساج لكتفيه .. يغلق هلمر 2 عينيه ويتأوه ... تأوهات لذه ممزوجه بألم . هلمر 1 يسعل مرة أخرى ليجذب انتباه نورا2 )
هلمر1:أنا هه .. دى خامس كوباية نبيذ أشربها النهارده
نورا2(تنظر إليه أخيراً): مش وعدتنى ياتورفالد إنك هتبطل تشرب معندكش حاجه أحسن تعملها
هلمر1:عاوز اتكلم معاكى
نورا1:م إحنا بنكلم بعض فى الشغل كل يوم
هلمر1:أيوه بس أنا عايز أتكلم معاكى فى حاجات ثانيه غير اللى بأتكلم فيها فى الشغل
نورا2:وإحنا بنقول إيه فى الشغل ؟
هلمر1:إدينى المشرط .. بص على الكليه ديه .. مش باين عليها طبيعيه أبداً .. عنده ثلاث مسامير فى معدته .. طبق للقلب لو سمحتي
نورا1:أيوه بالظبط كده .. البيت للراحه
هلمر1:أيوه بس الراحه زادت عن حدها
نورا2:دورلك على هوايه .. ربى حمام
هلمر1:عارفه هى نفس الحكايه فى البيت .. هنا كمان أأقدر أأقولك إدينى المشرط أشيل كلوتى بصى .. عندك ثلاث مسامير فى بطنى (يمد يده) طبق للقلب لو سمحتى ؟
نورا2:تورفالد إنت عمرك م كنت رومانسى
أنا مش فاهمة بالظبط ..إنت بقيت.. ....
هلمر1:غير محتمل ؟
نورا2:شكراً جزيلاً .. كنت عارفه إنك هتلاقى الكلمه الصح
هلمر1:إيه رأيك لو خدنا بعضنا دلوقتى ورحنا البحر ؟
نورا2:عندنا شغل بكره
هلمر1:مش حاسه إن فيه حاجه بينا راحت .. ضاعت إتبخرت .. نطت ووقعت على ظهرها ماتت زى ضفدعه خبطها وابور زلط ؟
نورا2:لا .. مش حاسه .. وأسفه إنك حاسس بكده لكن معنديش استعداد أناقش الموضوع دا خالص
هلمر1:ليه ؟
نورا2:لأن المناقشات المطوله دمرت جوازى الأولانى حاول م تدمرش جوازتنا لنفس الأسباب
هلمر1:إنتي بتهددينى ؟
نورا2:أبداً .. دا تحذير أخوى يا تورفالد .. ودلوقتى لو سمحت
هلمر1:اكيد أنا كنت مغفل إنى كنت فاكر إن جوازتك الأولانيه إنتهت بسبب حبك ليا
نورا2:تورفالد .... إسمع
كلى أذانى صاغيه هلمر1:
نورا2:إنت بقيت ممل ليه ؟
هلمر1:دا أنا ؟
نورا2:عامل زى الجرايد البايته بتاعة أول امبارح مش شايف إن كل شئ تمام ؟
هلمر1:كل شئ تمام ؟
نورا2:مش بس تمام .. دا مفيش أحسن من كده
هلمر1:على أى أساس ؟
نورا2:تورفالد بتاعى نقل مع نورا بتاعتك .. وانت نقلت معايا .. وأنا أجرت الاستوديو بتاعى وعندنا وظيفتين معقولين جداً
وممكن علماء الإجتماع يوصفونا بأننا زوجين متوآئمين جداً .. عايز إيه أكتر من كده .. غير اننا نكرس وقتنا لنفسنا
هلمر1:يمكن الأحسن نكرس وقتنا لبعضنا
نورا2:تورفالد .. الشقه دى بيتنا مش مكتب لهواة حل المشاكل للأزواج
هلمر1:بتفكرى فى إيه واحنا نايمين مع بعض؟
نورا2(تعود للكمبيرتر): ليه ؟
هلمر1:لانك بتبقى غايبه على طول
نورا2:انا ....... بتأمل
هلمر1:واحنا مع بعض ولا لما نخلص ؟
نورا2:واحنا مع بعض .. مقدرش أتأمل وأنا بأشتغل ولا وأنا فى البيت مفيش وقت .. لكن رجليا لما بيبعدوا عن بعض وإنت قاعد تنفخ وتشخر ... مش عارفة عاوز تثبت إيه بالظبط أقدر أركز فى هدوء على التأمل فى الفراغ ؟
هلمر1:الفراغ
أيوه .. دا إسم طريقه من طرق التأمل الغوص فى الفراغ نورا2:
هلمر1:دا ممكن يكون عنوان قصة حياتنا ... مش كده؟ غوص فى الفراغ .. والمتعه
نورا2:متعه خالص ياتورفالد إنت لازم تجربها
هلمر1:الحياه كانت مختلفه
نورا2:كل حاجه كانت مختلفه .. من خمس دقايق كانت مختلفه وبكره مش زى النهارده .. مش حاجه جميله اننا نتغير على طول ..
هلمر2:هو إحنا بنتغير ؟ (يشرب أخر ما فى كأس النبيذ ثم يذهب إلى المطبخ وتعود نورا 2 إلى شاشه الكمبيوتر ونورا 1 تتوقف عن المساج)
نورا1:إيه رأيك حاسس إنك حى ومنتعش دلوقتى ؟
هلمر2:إطلاقاً .. حاسس إنى ميت تماماً ... اشكرك
نورا1:إنت تؤمر
هلمر2:أجمل حاجه فى الدنيا إن الواحد يموت ببطء وقدام عينه وهو مدرك إنه بيموت
نورا1:وكل ده بفضلى أنا .. مش أتاقل بالدهب بزمتك؟
هلمر2:أول مره أأقابل واحده ست تفهمنى بالشكل ده
نورا1:وأنا عمرى م قابلت راجل يعرف يقدر مساعدتى ليه
هلمر2:دا يبقى عبيط اللى م يقدرش
ايه أخيراً فهمت أنا عايزه نورا1:
أنا عايزه أبقى مفيده أبقى مع حد يعتمد عليا
هلمر2:ومفيش رجاله عندها حظ زيى
نورا1:تورفالد جوزى الأولانى غرقنى بالكامل .. دخللى من كل خرم فى جسمى .. كنت حتخنق .. كل اللى كان همه السيطره .. كان مخادع .. الأول سيطر على بالجنس وبعدين بقلته
هلمر2:يمكن دلوقتى بياخد نصيبه
نورا1:حقيقى نفسى فى كده
هلمر2:بس أنا مش قادر أفهم .. إيه اللى رماه على مراتى
نورا1:ريحه الموت
هلمر2:قصدك إيه ؟
نورا1:كانوا بيشرحوا الجثث مع بعض .. جتت رجاله وستات عريانه متعرفش تدافع عن نفسها .. مستنيه آخر إهانه كانوا بيقطعوا الأعضاء الداخليه ويحطوا أجزاء من الآنسجه تحت الميكروسكوب.. حاجه مهينه جداً لواحد كل هدفه السيطره
هلمر2:عمرها م كلمتنى عن الموضوع ده
نورا1:تعرف إنهما ناموا مع بعض على تربيزه المشرحه ؟
هلمر2:كان لازم أخنقها
قالى .. إنها مره ركبت جثه كان بتاعها ناشف زى الحديده
هلمر2(فى قرف شديد): أنا حاسس إنى هتقايا بعد السيرولينا ديه
نورا1:تقدر تتخيل إحساس بعد م حكالى ؟
هلمر2:إترعبتى ؟
نورا1:حسدتها .. معملش كده معايا ليه ؟ سألت نفسى .. ليه معاها دى أكبر منى بيجى 10 سنين وعرفت الإجابه قريب
هلمر2ينظر إليها بكل تمعن: كلى أذان صاغيه
نورا1:أنا كنت عاوزه أعيش ، أنا متوحشه ، رومانسيه ، حيه وكان خايف من كده .. كنت عاوزه حقى .. كنت عايزه أوصل لمستواه .. لكن الجثث ملهاش حق خالص .. مش كده .. تقدر تعمل فيها اللى إنت عايزه وتعتدى عليهم وتحط فيهم أى حاجه فى أى حته .. إزاى الواحد اللى نفسه فى السيطره يقدر يقاوم موضوع زى ده؟
لكن هلمر2:
نورا1:أيوه لكن ايه يا حبيبى ( تمسك خده)
هلمر2:طب ليه أنا ؟
نورا1:علشان إنت ياروحى رمة جثة حقيقيه .. من بين كل الرجاله .. إنت أقرب واحد ممكن يبقى جته .. لما بأنزل عليه بأحس إنى مسيطره على العالم كله .. وعلشان الإحساس ده أطلع الهرم عل ركبى
هلمر2:وطبعاً طلوع الهرم على ركبك متعب جداً واكتر ميت مره من تعب نزولك عليه مرتين فى اليوم
نورا1:م تفهمنيش غلط .. أنا كده بأنتقم منه .. من تورفالد
هلمر2:أنا تورفالد
نورا1:قصدى تورفالد الثانى .. القديم .. كده بأنتقم منه تقدر تتخيل المتعه اللى أنا فيها ...
مفيش أحسن من كده .. الحاجه الوحيده اللى نقصانى ترابيزه التشريح
(تجلس على حجره) شويه خيال يا أخى .. الصوفا دى تنفع وتوفى بالغرض
فى الواقع هلمر2:
نورا1:إيه ؟
هلمر2:لازم أحلل العلاقه بين ضغط الدم المنخفض والحراره المنخفضه واحتمال إن الواحد يجيله سكر
نورا1:مفيش داعى .. هأرفع ضغطك وحرارتك
هلمر2:لازم أترجم شويه صفحات من الرواية
نورا1:محدش عاد بيقرا روايات خلاص .. حتى أنا بطلت. الناس مهتمه بس بتبادل المصالح والخدمات والبضايع
هلمر2:وهنعيش على إيه ؟
نورا1:يعنى .. فى اسوء الأحوال .. هبيع جسمى .. وإنت يا بختك هتاخده ببلاش ... إيه مش حاسس بفخر ؟
هلمر2:طبعاً فخور جداً
نورا1:طيب ؟
هلمر2:أأقدر أحط صوابعى حولين رقبتك
نورا1:ليه ؟
هلمر2:أنا كمان .. عاوز أنتقم من نورا .. قصدى نورا القديمه طبعاً عاوز أردلها كل اللى عملته فيا .. مش حسامح نفسى إنى مخنقتهاش لما كان عندى الفرصه ..
نورا1:ماشى م دام دا هيهيجك
هلمر2:جداً
نورا1:بس خد بالك لأحسن تخسر نورا الجديده
هلمر2:أنا محبش أعيش لوحدى
نورا1:مقدرش أطلب ضمانات اكتر من كده ... يالا إضغط (هلمر2 يضع أصابعه حول عنقها وهو جالس على الصوفا كالجثه المتصلبه يضغط على رقبة نورا فتقوم بحركات حب بطيئه سواء كانوا يمارسون الجنس على الصوفا أو المشهد من خلف ظهرها فالامر يرجع للمخرج) (يعود هلمر 1 من المطبخ وقد ملأ كأساً من النبيذ مره أخرى ويقف ويلقى نظره على نورا 2 وهى ما زالت مشغوله بالإيميل)
هلمر1:حذرى شفت إيه فى التليفزيون من شويه ؟
نورا2(دون أن ترفع بصرها من على الكمبيوتر): إيه ؟
هلمر1:فيلم تسجيلى عن نقل زرافه من جنينه لجنينه تانيه
نورا2:م كنتش أعرف إنك بتتفرج على التليفزيون
هلمر1:حطوا الزرافة فى عربيه لورى مخصوصه .. حواليها جدار دايرن داير .. كل رقبتها كانت طالعه منها يجى مترين ع الأقل
نورا2:وبعدين ؟
هلمر1:طول الرحله كانوا بيأكلوها ورق شجر علشان م تترعبش
نورا2:يا سلام ع الحلاوة
هلمر1:وبعدين حاجه عجيبه جداً حصلت
نورا2:حصل إيه ؟
هلمر1:كان الطريق فاضى .. والشمس طالعه .. والزرافه مبسوطه من الحركه والأكل
نورا2:شئ جميل جداً
كان واضح إن الزرافه حاسه إن الحياه كريمه معاها جداً ..هلمر1:.
فرفعت رأسها وقعدت تدور برقبتها وبعدين دخل اللورى نفق
نورا2:وبعدين ؟
هلمر1:كانت رقبه الزرافه أعلى من العلو المسموح .. فجسمها بس هو اللى كمل الرحله .. وراسها إنفصلت عند مدخل النفق
نورا2(تصرخ): تورفالد
هلمر1:تفتكرى مين الزرافه ديه ؟
نورا2:الرمزيه بتسببلى أرتيكاريا
هلمر1:إحنا الزرافه ديه .. الناس اللى بيقولوا عليها طبقه متوسطه محترمه معندناش فكره إن كل اللى ممكن نحققه فى حياتنا .. هو إننا نتحرك لجنينه طول م بناكل ونشرب نبقى مبسوطين قوى وبندفع فواتيرنا ونشترى هدومنا .. م بنشوفش أي حاجه بتمر قدامنا
نورا2:و دى تطلع إيه ؟
محدش بيفكر إنه هلمر1:فيه نفق قدمنا .. محدش بينزل رقبته أورقبتها حتى علشان متتقطعش و لا حتى تواضع
نورا2:أخر حاجه عاوزه أعملها دلوقتى يا تورفالد ... والوقت وخرى كدهإنى اتفلسف
هلمر1:انا بأتكلم عن ضرورة التفكير والتواصل
نورا2:يا خرابى .. مش شايف إنى بأتواصل .. بابعت إيميلات ودى حاجه مريحه وأمنه وسريعه
هلمر1:بتتواصلى مع مين .. وإزاى وليه .. وعشان إيه .. هو ده السؤال ؟
مع ناس عندها نفس إهتماماتى ...اللى مش عندك نورا2:
هلمر1:أنا كمان عندى إهتمامات .. وإنتى مش مهتمه بيا
نورا2:انت كل همك السيكس وكمان الأنواع الشاذه
هلمر1:هو السيكس مش مهم .. احنا إبتدينا كده .. مش كده وكنت إنت اللى إبتديتى
نورا2:الحاجات دى بتستمر فتره وبعدين خلاص
هلمر1:بس دا مش إهتمامى الوحيد زى م انت فاكره
نورا2:أنا مش فاكره حاجة .. إيه بقى اهتماماتك التانية ؟
هلمر1:انا حاسس إننا مش عايشين مع بعض
نورا2:أنا أسفه ياتورفالد .. طبعاً أنا مش محتاجه إذن منك علشان أتواصل مع ناس تقدر الروحانيات اكتر من السيكس
هلمر1:الروحانيات بتاعتك بتقتل أشد من روحانيات أسامه بن لادن
نورا2:ليه علشان شايفه إن وجهة نظرك العمليه قديمه ومتخلفه ومفيهاش خيال
هلمر1:أنا عندى خيال
نورا2:ايوه فى الأوضاع الشاذه م يغلبكش حد
هلمر1:أحسن من أوضاع الكواكب .. وعلم الفلك .. واليازرجه والكلام الهبل ده
نورا2:أنا مش هرد عليك .. ولا يمكن مش من حق كل واحد إنه أو إنها تهتم أو يهتم بالحاجات اللى بيحبها او بتحبها بأى طريقه مهما كانت الطريقه دى غبيه فى نظرك
هلمر1:مش الدبلوماسيه أحسن من الحرب ؟
نورا2(تنظر لساعتها): بمناسبة الدبلوماسيه ... مش ده وقت العشا وده دورك
العشا جاهز محتاج يتقدم بس هلمر1:..
نورا2:طب م تقدمه
يخرج هلمر 1 مسدس من جيبه ويصوب على نورا 2 ويطلق .... نورا 2 تمسك بصدرها وتجحظ عيناها وتقوم وتترنح وتقع على الفوتاى تحملق فى الفراغ ... ويقف هلمر 1 أمامها .. ويصوب المسدس على رأسها ويطلق مره أخرى ... فتقفز وترتجف وتفتح فاها وتضع رأسها عل صدرها
هلمر1:بالهنا والشفا .. عارفه شكلك ايه ؟ زى واحد مات من الرعب
نورا2:نا تعبانه
هلمر1:انا بقى مرتاح جداً
نورا2:هو أنا مت ؟
هلمر1:مش بالظبط .. ( يطلق النار عليها .. تقفز مره أخرى وتقع بلا حراك وفى نفس الوقت تبدأ نورا 1 فى الكفاح من أجل أن تستطيع أن تحصل على هواء وهى تحاول أن تبعد يد هلمر 2 عن رقبتها)
نورا1:تورفالد .... دى م بقتش لعبه ... أنا حتخنق
هلمر2:ثوانى ..... خلاص أهووو
نورا1:هتخنق

Friday, March 23, 2007

نورا نورا 4

نورا 1جالسه على الصوفا فى يدها تليفون محمول .. تبحث فى الإعلانات فى جريده .. يدخل هلمر 2 من المطبخ مرتدياً نفس الروب ومعه كوب ماء ويجلس أمام الكمبيوتر

نورا1:(تقرأ) كل الأمراض والمشاكل المزعجه يمكن علاجها بالتخاطر ... عن بعد قوة العقل إتصل الأن .. «فغداً» قد يكون الوقت متأخراً

( تغلق الجريده وتلقيها على المنضده الخاصه بالقهوه )

إتصل أمس فاليوم قد تأخر (تصب لنفسها كاس ويسكى)

بس إيه المشكله ؟ (تلتقط الجريده مره أخرى وتتصل برقم ع الموبايل .. يرن موبايل أخر على طاولة الكمبيوتر أمام هلمر 2 .. ينظر للرقم ... يضع الموبايل .. ثم ينظر للرقم مره أخرى .. ويتردد . يعيد الموبايل .الموبايل يرن باستمرار .. يقف .. يتحرك بقلق يتناول الموبايل .. يضعه مره أخرى .. ينقربأصابعه على المنضده دليل القلق .. ماذا سيفعل ثم يقرر أن يتقبل المكالمه)

أيوه هلمر2:

نورا1:أنا بأتصل إلنهارده علشان بكره ممكن يبقى متأخر جداً

هلمر2: (مندهشا) حقيقى؟

نورا1:لكن ممكن يكون متأخر جداً دلوقتى ... وكان لازم أتصل امبارح تنصحنى بإيه ؟

هلمر2(يضحك) :تتأكدى من النمره اللى إنت طلباها

نورا1: (تقرأ من الجريده) كل الأمراض والمشاكل المزعجه يمكن علاجها بالتخاطر

هلمر2:إنت مريضه .. عندك مشاكل صحيه

نورا1:مش صحتى اللى تعبانه .. حاجات تانيه مضيقانى تقدر فعلاً تعالجنى بالتخاطر ؟

هلمر2:(فى نبرة موافق فقد قرر أن يلعب) أيوه نظرياً على م أعتقد

نورا2:تعتقد ... إنت مش متأكد ؟

هلمر2:أأقصد إن معظم الوقت بنعالج المشاكل بالتخاطر لكن أحيانا ضرورى نتقابل

نورا1:وإنت عيادتك فين ؟

هلمر2:المقابله دى آخر حاجه نفكر فيها الأول نجرب التخاطر

نورا1:أتعابك كام ؟

حسب الحاله

نورا1:أأقدر أدفع بالتخاطر أنا كمان ؟ (يفكر كيف يرد ثم يغلق الموبايل ويجلس أمام الكمبيوتر) أوف حاجه تقرف (تعيد الاتصال به مره أخرى .. فيفكر فى الرد وأخيراً يرد)

هلمر2:نعم

نورا1:أنا مره تانيه ... الخط إنقطع

هلمر2:أنا قفلت السكه

نورا1:أنا آسفه .. أنا كنت بهزر .. كنت فكراك بتحب الهزار

هلمر2:هزار ؟ يعنى إيه هزار ..؟ ابحث فى قاموس الكلمات الجديده

نورا1:إنت عندك واحد؟

هلمر2:طبعاً

نورا1:علشان لو معندكش أسلفك بتاعى .. طالب طب إداهولى من كام سنة

هلمر1:دا إداهولى أنا كمان

نورا1:كويس .. فى حاجه بتربط بينا غيرالموبايل والتخاطر طبعاً

هلمر2:ممكن

نورا1:ممكن أبقى صريحه معاك ... مش باين عليك بتعالج حاجه خالص .... أنا كنت فكراك حتطق فى التليفون من النشاط

هلمر2:أنصحك تروحى المكتبه العامه اللى جنب بتكوا وتدورى فى قسم الحوادث

نورا1:يعنى قصدك مفيش فايده

هلمر2:إنت قلتى إنك مهتمه بالصحه

نورا1:إسمع أنا مش فاضيه .. إنت بتعالج ولا م بتعالجش ؟ نصاب يعنى ؟

هلمر2:وأنا أنصب فى إيه ؟

نورا1:أنا مش فاهمه حاجه خالص ... طريقه دى علشان تربى زباينك أنا ح كلم حد تانى

هلمر2:أيوه أحسنلك (يضع الموبايل)

( تضع الموبايل وتصب لنفسها كاس)

نورا1:قسم الحوادث .. هو فاكر نفسه إيه ؟ (تلتقط الموبايل وتتصل

يلتقط التليفون ويرد بعد فتره)

هلمر2:أيوه

نورا1:إنت صعب كده ليه ؟

هلمر2:إنتي مين ياروح أمك ؟

نورا1:إنت مش مهتم حتى تسمع مشاكلى ؟

هلمر2:كفايه علي مشاكلى اللى مش مستعد إنى أأقرف بيها ناس م أعرفهاش

نورا1:طيب نشرت إعلان العلاج بالتخاطر ليه ؟

هلمر2:علشان أنا بأنبسط لما النسوان الغبية تكلمنى

نورا1:وهو أنا كده ؟

هلمر2:ولما أنت مش كده .. ليه مصره تطلبى رقم غلط طول الوقت ؟

نورا1:دا رقم مش غلط

هلمر2:طب راجعى الرقم كده (يضع الموبايل ويعود للعمل .. نورا تمسك بالجريدة وتقارن رقم الموبايل برقم الجريده)

نورا1:إيه القرف ده ؟ إيه اللى بيحصل ده ؟ هو أنا سكرانه (تطلب الرقم الصحيح وتتنظر وتشعل سيجاره ) دا حتى م هانش عليه يرد (تغلق وتعاود الإتصال ولكن برقم هلمر 2 وتنتظر وتدخن, هلمر 2 ينظر للرقم فى الموبايل .. يلتقطه .. يقوم ويتحرك ثم يجلس يقرر الرد .. يغير رأيه .. تضع نورا 1 الموبايل على المنضده) تتفحص إعلانات أخرى ... (يقرر هلمر 2 إجراء إتصال برقم نورا 1 .. يرن الموبايل عند نورا .. يغير هلمر 2 رأيه فيغلق الموبايل .. نورا تنظر للرقم وتبتسم وتقرر أن تطلبه يرن الموبايل عند هلمر 2 .. فيندهش ويكاد يلقيه ثم يأخذ نفساً عميقاً ويقرر أن يرد)

هلمر2:أيوه

نورا1:أنت طلبتنى ؟

هلمر2:غلطه .. كنت عايز .. أنا أسف (يغلق الموبايل) (ويعاود العمل ) (لكنه لا يستطيع التركيز) (نورا تفكر فيما يجب أن تفعله) (تعاود الإتصال) (يرن موبايل هلمر 2 يرد كأنه كان يتوقع)

أهلاً

نورا1:أنا مش غلطانه فى النمره .. أنا عاوزه أكلمك

هلمر2:عن إيه ؟

نورا1:الحياه ... معنى الحياه

هلمر2:لا .. ياربي

نورا1:م تفهمنيش غلط .. أنا مش من بتوع الخزعبلات بتوع اليومين دول ... معنى الحياه موضوع مهم .. بصرف النظر إنه معدش بيهم الفلاسفه

هلمر2:هو دا الموضوع اللى شغلك ؟ معنى الحياه ؟

نورا1:فى الحقيقه .. لا .. اللى شغلنى حاجات فى شخصيتى م بحبهاش

هلمر2:إنتي بتشتغلى في وظيفه كويسه ؟

نورا1:لو بصينا للمجهود اللى ببذله فيها كان زمانى مليونيره وإنت .... أرجوك إنك تكون مش دكتور

هلمر2:ليه ؟

نورا1: م بحبش الدكاتره تعبوا قلبى ... وتعبوا حبيبى الجميل إنت دكتور مش كده ؟

هلمر2:العكس تماماً ..... عيان

نورا1:يا عينى ... ياكمالوا .... يا صغنن .. وعندك إيه ؟

هلمر2:بموت من مليون مرض .. بس محدش مصدقنى كل الناس مش راضيه تصدق إنى حموت .. حموت (نورا تضحك) إيه اللى بيضحك فى اللى بقوله ؟

نورا1:م كلنا ح نموت ؟ وأنا كمان حموت, المهم إحنا بنعمل إيه فى الوقت اللى إحنا عيشينه

هلمر2:طب أعيش إزاى وأنا مستنى الموت

نورا1:معرفش ,إنت عايش إزاى؟

هلمر2:أنا مش عايش أنا بأموت

نورا1:جبتك يا عبد المعين .. كلمتك علشان تساعدنى لقيتك عايز مساعده

هلمر2:مش عايز مساعده من حد

نورا1:(بعد صمت) أنا حتى م أعرفش أسمك ؟

هلمر2:تورفالد

نورا1:(بعد صمت) م تلعبش عليا

هلمر2:أيوه إسمى تورفالد

نورا1:كنت مجوز واحده إسمها نورا؟

هلمر2:عرفتى إزاى ؟

نورا1:عندكوا أولاد؟

هلمر2:لا .. مراتى كانت م بتخلفش

نورا1:وأنا ... جوزى الأولانى كان ملوش

مش فاهم قصدك هلمر2:إيه ؟

نورا1:إنت ساكن فى فيلا ولا شقه ؟

هلمر2:شقه

نورا1:أوصفهالى

هلمر2:ملهاش شكل يتوصف .. ممله زي شقق الطبقه المتوسطه صوفا ، فوتاى ، أرفف ، تليفزيون ، كمبيوتر ، مطبخ, سفره ، أوضه نوم ، بلكونه صغيره ، تحتنا شارع زحمه .. وقدامنا جنينه صغيره ..

نورا1:ون الصوفا إيه ؟

هلمر2:أحمر

نورا1:إيه نوع شاشه الكمبيوتر ؟

هلمر2:نوكيا (فتره صمت ) إنت رحتى فين ؟

نورا1:عمرك سمعت عن العالم الموازى ؟

سمعت

نورا1:إنت فين دلوقتى (تتحرك وتقف خلف الصوفا)

هلمر2:فى أوضه الجلوس ؟

نورا1:فين بالضبط ؟

هلمر2:واقف جنب الصوفا

نورا1:أرجوك أأقف ورا الصوفا

هلمر1:وبعدين ؟

نورا1:حاسس بإيه ؟

هلمر2(يتحسس بيديه): ولا حاجة ,فاضى

نورا1(تتحسس بيدها): وأنا كمان ... بس برضوا حاسه بإننا قريبين من بعض قريبين قوى

هلمر2:إيه احنا الإتنين هنموت؟

نورا1:إحنا الإتنين نفسنا نعيش بس خايفين

هلمر2:أنا محتاج حد يساعدنى

نورا1:جوزى الأولانى دكتور وانت مراتك إيه؟

هلمر:ممرضه

نورا1:بتهزر .. إسمها إيه ؟

هلمر2:نورا

نورا1:إسمها الحقيقى ؟

هلمر2:نورا

نورا1:إتقابلتوا فى السينما ؟

هلمر2:عرفتى إزاى؟

نورا1:وقررتوا تبقوا تورفالد ونورا .. لأن الفن مبيقولش الحياه

هلمر2:وعارفه دا كمان ؟

نورا1:أيوه .. اسمها الحقيقى إيه بقى ؟

هلمر2:فيرونيكا (صمت) إنت رحتى فين ؟ لسه معايا على الخط ؟

نورا1:باين علينا قريبين اكتر مما نفتكر

هلمر2:تفتكرى ؟

نورا1:باين مفيش عوالم ثانيه ولا حاجة .. كل الموجود دماغ بتفكر بنفس الطريقه .. وبتوصل لنفس النتائج .. أرواح و ضياع مشترك .. يمكن عندك حق .. يمكن مفيش فايده نعيش واحنا بنستنى الموت

هلمر2:كان عندى أمل تقنعينى بالعكس

نورا1:مراتك عايشه معاك ؟

هلمر2:عندها شقه ستوديو صغيرة .. وهى عايشه هناك دلوقتى

نورا1:مع مين ؟

هلمر2:وحدها ليه ؟

نورا1:إنت بارد كده على طول والا خايف تتحسد

هلمر2:دايماً أسأل نفسى السؤال دا ؟

نورا1:بتحب السيكس (صمت) إنت يا أخينا رحت فين ؟

أهلمر2:أيوه؟

نورا1:طيب؟

هلمر2:لازم أدور فى قاموس الكلمات الجديدة ؟

نورا1:ما تيجى ندور سوا

Tuesday, March 20, 2007

نورا نورا 3












بعد عام
أو اتنين نورا 1جالسه على الصوفا تدخن بشراهه وترشف الويسكى وتتصفح بلا مبالاه مجله نسائيه ... هلمر2 جالساً على الكمبيوتر يتصفح النت وهو يرتدى نفس روب الحمام


يدخل هلمرا 1 من اليمين عائداً من العمل .. تنظر له نورا 1 بلا إهتمام ثم تعود لقراءة مجلتها


هلمر1:
فيه حاجه مزعله حمامتى ؟ الحمامه الحلوه كانت دايماً تلاغى وليفها لما يرجع البيت
نورا1:
من دلوقتى خلاص مفيش ملاغيه
هلمر1:
ليه ؟
نورا1:
لأن الوليف نسى إن الحمامه عايزه مراعيه
هلمر1:
كان فى إيدى خمس جثث بخلص عليهم (غير واثق من الموضوع) وفيهم ست مقتوله . هلمر1:عاوز آكل (يتحرك نحو المطبخ)
نورا1:أيوه أعملك سندوتش سجق ... أحسن لنا
هلمر1(يستدير وينظر إليها): طب مش تصبرى وتستنى عليا شويه ؟
نورا1:م أنا صابره أهوه الجتت مستنيه سكينتك وأنا العبيطه مستنيه حاجه ثانيه
هلمر1:حقيقى مش عارف أرد إزاى ؟
نورا1:أحسن حاجه تستعبط وتعمل نفسك مش فاهم حاجه زى العاده ماأنا مدمنه كحوليات على وزن إيه
هلمر1:مدمنه مشتريات .. وبالمناسبه إحنا مديونين لشوشتنا عشان حضرتك فى رحله باريس وزى م عملتى فى رحلة فلورنسا طلقت الفيزا بتاعتك
نورا1:يا بختها عندها طلوقه. حره
هلمر1:وإنت متربطه ؟
نورا1:زى الكلبه اللى من غير طلوقه .. ومبيطلعوهاش من الباب لحسن الكلاب تنقرها .. والطلوقه بتاعتها طايح فى الكلاب الثانيه
هلمر1:بلاش عبط إيه اللى بتقوليه ده تقدرى تثبتى حاجه
نورا1:إثبت إنت
هلمر1:نعم ؟
نورا1:إثبت إن أنا غلطانه
هلمر1:الاثبات من واجبات المدعى
نورا1:إيه رأيك فى الرساله اللى كانت فى الهوت ميل بتاعك
هلمر1:إنتى بتقرى الميل بتاعى ؟
فتحته صدفه ... إنت عندك حاجه تخبيها نورا1:
هلمر1:المسأله مسأله أخلاق
نورا2:طيب علاقتك بفيرونيكا مهياش أخلاقيه قوى
هلمر1:فيرونيكا ؟
نورا1:إقرا الميل بتاعها
هلمر1:حاضر (يتجه للكمبيوتر ثم يغير رأيه ) لما آكل الأول (يذهب إلى المطبخ)
نورا1:أيوه لما تقراه هيجيلك أنتفاخ بتدور على عزر طبعاً (تطفئ السيجاره, وتشعل أخرى .. يعود هلمر 1 من المطبخ ومعه شريحه خبز)
هلمر1:العيش دا بقاله خمس تيام ع الأقل
نورا1:المخبز على بعد خمس دقايق من هنا .. الدقيقه بيوم (تنفخ الدخان فى وجهه) بعيد قوى عنك ؟ (هلمر 1 يعود للمطبخ) (تكلم نفسها بصوت مسموع مقلده هلمر) العيش دا بقاله خمس تيام ع الأقل ... وسخ (ترشف الويسكى - يعود هلمر م المطبخ ومعه شريحه خبز وقطعه لانشون) اللانشون دا بقاله اسبوعين
طيب خد بالك ليكون مصيرك المشرحة نورا1:

هلمر1:حتوصلى هناك قبلى لو فضلتى ع الحال دا بطلتى تشترى شاى فتلة ليه ؟
نورا1:إنت بطلت تبقى اللى كنت بتقول إنك هو ليه ؟
هلمر1:ضرورى كل يوم أفكرك بأضرار التدخين والشرب على جسم الست
نورا1: خدت بالك إن عندى جسم....ما صدقش
الستات مفروض تشرب تلت اللى الرجاله بيشربوه هلمر1:
نورا1:أيوه أنا بأشرب وأدخن تلت اللى كنت حتشربه وحتدخنه لو كنت بتشرب وبتدخن .. يا قديس يا شرعى عايز تعيش على طول ليه ؟ علشان فيرونيكا ؟
هلمر1(ينهى الساندوتش ويجلس على طرف الصوفا) : ممكن نتكلم فى الموضوع دا بشكل محترم زى البنى آدميين
نورا1:(ترشف الويسكى) أنا بطلت أبقى بنى ادمه خلاص من ساعة م عرفت إنك فى الهجايص .. فى الهجايص .. وإن مفيش حاجه إسمها غدوه ببلاش .. وأدينى بأدفع الثمن
هلمر1:أنا طبيب .. طبيب شرعى
نورا1وأنا بتاعت مانيكير .. كوافيره
كنتى ..هلمر1:
نورا1:صح شغلى وقع .. وشغلك طلع .. الضوافر مشت من عندى وراحت حتة ثانيه .. لكن الجتت م بتخلصش .. عمر زباينك م بتقل ... مبروك .. ( ترفع كأسها وتشرب)
هلمر1:الطب الشرعى بيجيب وجع القلب .. الدكتور الشرعى أوحش من قتال القتله
نورا1:طب م فضلتش مغرقاتى ليه ؟
هلمر1:(يرفع يده وينظر إلى أظافره) م بقتش قادر ألمس حاجه حية بعد يوم شغل فى المشرحه بأحس إنى شايل ميكروب الموت وأقدر أعدى أى حاجه دافيه بتتنفس ..عارفه إنى محطتش إيدى فى إيد حد من يجى سنه
نورا1:وانت عارف إنك م حطتش إيدك على رجلى من اكتر من سنه ؟
م تبالغيش هلمر1:
نورا1:إنت غرقتنى ليه من الأول ؟ عشان تقعد تتفرج عليا وأنا بأنشف ؟
هلمر1:إنت مش فاهمه حاجه
بص لجلدى (تمد ذراعها) مقشف وبيقشر . كأنى جربانه نورا1:
هلمر1:أنا مش عارف إيه اللى حصلى وألا إللى حصل للعالم وإلا لينا إحنا الإتنين
نورا1:لكن إنت دايماً كنت بتقولى إنك عارف إنت اللى كنت بأثق فيه على طول
دى كانت غلطه هلمر1:
نورا1:دلوقتى بتقول كده ؟ بعد ما عملت اللى عملته وكنت بتشجعنى
هلمر1:يمكن عملت كده ويمكن شجعتك على الأقل بين اللحظه والثانيه لكن إحنا الإتنين كنا مغمضين كنت ماشى قدامك وبشدك من إيدك وكنت محتاج للثقه وإنت محتاجه لتشجيع
نورا1:كنا مغمضين عاوزين نفتح نشوف النور
هلمر1:أنا عارف
نورا1:نورك المزيف مغرقاتى حقيقى . بس النور كان فى الأول بس.انا لازم كنت واقعه قوى علشان يعجبنى كلام التلامذه مره ( ترشف رشفه)
هلمر1:أرجوكى بطلى شرب
نورا1:بطلت تغرقنى فبقيت أغرق نفسى
هلمر1:المشكله دى نحلها سوا
نورا1:سوا سوا ... مع فيرونيكا ؟
هلمر1:هو دا اللى إنتي شايفاه .. تهديد واحده ثانيه
مش قادره تفهمى العمق . السياق . اساس المشكله
نورا1:أنا جاهله مش زيك يا بتاع المدارس .. الحاجات دى بتهرب منى
هلمر1:ماإنت قريتى ييجى ميت كتاب
نورا1:بطلت أقرا .. كل حاجه سابتنى .. كل حاجه كنت بحبها مجرد ذكرى
هلمر1:إنتي ليه بتقوليلى تورفالد ؟
نورا1:وإنت ليه بتقولى نورا ؟
هلمر1:إنتى اللى إبتديتى
نورا1:كانت لعبه لذيذه .. قبل ما تبيع لى القاموس بتاع الكلمات الجديده كنت لسه شايفه الفيلم وسامعه الغنوة.. لكن إنت قبلت تلعب اللعبه
هلمر1:كانت لعبه لذيذه بالنسبه لى انا كمان
تفتكر ممكن نغير أسامينا ونبتدى من جديد بأسامى جديده نورا1:
هلمر1:الإسم مش مشكله دا مظهر خارجى المهم المضمون
نورا1(تبدأ فى البكاء الصامت ):عاوز تقول إيه ؟
هلمر1:أنا بقعد جنبك حاسس بالذنب ... ذنب مش عارف أحدده .. أنا معملتش حاجه غلط .. عمرى م خنتك عملت كل اللى أأقدر عليه علشان أخليكى تتمتعى بحياتنا لما شغلك وقع قلتلك ولا يهمك خليكى فى البيت المهم تبقى سعيده أنا بكسب اللى يكفينا وزياده يمكن كان لازم أشجعك تبتدى من جديد فى حاجه جديده ويمكن م كنش لازم تستسلمى للكسل
نورا1:صح أنا بقره كسلانه .. مش كده ؟ سكرانه على طول كومة جلد معفنه .. جوزى خايف يلمسها لأنها بتفكروا بالجتت المعفنه اللى بيحدد سبب الوفاة بتاعتها
هلمر1:نورا
نورا1:ممكن تحدد سبب وفاتى أنا كمان يا دكتور ؟ (يخفض هلمر 1 رأسه .. ترشف نورا رشفه ويسكى وتضع الكوب على منضده القهوه) نمت مع فيرونيكا كام مرة ؟
مندهشاً): أرجوكى متحوليش الألم اللى إحنا عيشينه لشئ سوقى متدنى هلمر1(
نورا1:وإنت بطل تدينى الكلام المحفوظ بتاعك ... كام مره نمت مع فيرونيكا ... دا حساب مش روحانيات
هلمر1:(بعد لحظة تردد) 3 مرات فى الإسبوع
نورا1 (مندهشة): بس كنت فاكره تلاث مرات يومياً بعد الأكل
هلمر1:مفيش فرصه
نورا1:مفيش فرصه ؟ ولعلمك معدتش جامد زى الأول
هلمر1:يمكن .. ده كماننورا1:كنت بتعملوا ده فين؟
هلمر1:(يقف) على ترابيزه المشرحه .. أحياناً كانت بتبقى جنبينا جثه لسه مخلصتهاش .. كنا بنزقها كدهه مقرف مش كده ؟ لكن إحساس الموت كان بيزود إحساس المتعه .. كفايه ولا عايزه أكمل
نورا1:عايزه .. إحكى بالتفاصيل الممله
هلمر1:متأكده ؟
نورا1:جربنى
هلمر1:فكرى كويس ... بعد كده مفيش حاجه حتبقى زى الأول
نورا1: مقدرش أفكر دلوقتى .. إحكى
هلمر1:من فتره كنت باشرح راجل مات فى حادثه عربيه ولسبب معرفوش ... بتاعه فضل شديد وإحنا مع بعض مدت إيديها تمسك فى حاجه .. لقيت البتاع الجامد ومسكته .. لما عرفت هى ما سكه إيه .. خافت لحظه بعد كده عبطت فيه بإيدها .. وقعدت تصرخ وصلت خمس مرات فى عشر دقايق (لحظه صمت) بيهيجك الكلام دا ؟
نورا1:مش عارفه كمل
بعد المره الخامسه .. سألتنى إن كنت ههيج لو قعدت على الجثه .. هلمر1: قلت لها أيوه
نورا1:وحصل؟
هلمر1:فى خمس دقايق جبتهم خمس مرات
نور1:الموت مهيج دى حاجه معروفه
هلمر1:صحيح مش كده ؟
نورا1:ميه فى الميه (تضع يدها تحت الوساده وتسحب مسدساً وتصوبه على هلمر وتشد الزناد .. فرقعه ضخمة يترنح هلمر 1 .. ثم تطلق مره أخرى فيقع على الفوتاى ويبقى جامداً ينظر أمامه محدقاً) وصله حلوه يا مغرقاتى (تنظر لهلمر 1 الذى تصلب) تورفالد .. تورفالد .. فيه إيه (لا يرد) تورفالد ؟ عارف شكلك إيه ؟ زى اللى مات من الرعب
هلمر1:أنا مش مرتاح
نورا1:إرحمنى
هلمر1:أنا مت ؟
نورا1:معرفش شرح نفسك وقلى
هلمر1:عملتى كده ليه ؟
نورا1:قلت لى لازم نتكلم زى البنى آدمين
هلمر1:أكيد البنى أدمين م بيعاملوش بعضهم بالطريقه دى
نورا1:أمال إزاي ؟ على ترابيزه التشريح ومعانا جثه هايجه
هلمر1:كل دا تخريف وفبركه
نورا1:ليه كنت عاوز ترضينى
هلمر1:ضايقتينى جداً .. حبيت أردلك القلم .. أجرحك
نورا1:أنا كمان .. ضربت عليك نار بمسدس لعبه لإنى م حبتش أجرحك .. مين فينا البنى آدم؟
هلمر1:جيبتى المسدس اللعبه دا منين ؟
نورا1:من أخر زبون عندى ... كان ممثل .. ضوافره جميله كنت هايجه جداً لمجرد إنى فكرت إنه بيحطهم فى حاجات تانيه مش فى الجثث .. أأقله بيهرش بيهم فى التيته .. تعرف إن البنات بتبص على التيته بتاعت الراجل وبتعجبهم .. انا اكتر حاجه بأحبها هى التيته ( تنفخ دخان رصاص متخيل وتطلق طلقه أخرى فيبتعد عنها هلمر)
هلمر1:من فضلك بلاش
نورا1:أكيد إنت مش خايف م البتاع الصغير ده ؟
هلمر1:كان ممكن يكون حقيقى
نورا1:عندى واحد حقيقى وبأتمرن عليه
هلمر1:إنتي عايزه تقتلينى ؟
نورا1:لا ياتورفالد .. أنا عايزه أهددك بيه .. أنا بعفن .. وإنت ولا كأنك حاسس أو شايف
هلمر1:إحنا الإتنين بنعفن .. التعفن عمليه طبيعيه
نورا1:حقيقى
هلمر1:التعفن يفسح الطريق للنمو الجديد .. إنت عايزه تفضلى مطرحك على طول .. مش ممكن .. لازم نمشى مع التيارات .. نقع وقت الوقوع اونطلع وقت الطلوع
نورا1:باين عليك بدأت تقرا الكتب الخرا بتاعة الخزعبلات ديه
هلمر1:إنتي عارفةإن أنا مبلمسش كتبك
نورا1:بالضبط زى م قلت يوم م بعت لى القاموس بتاع الكلمات الجديده .... كان القرن الكام الكلام ده
هلمر1:قبل التاريخ .. لما كنت متوحش .... دلوقتى للأسف أنا بنى آدم .. بأفكر وأقرر
نورا1:وقررت إن المساج .. الكينزيولوجى كان غلطة تاريخيه
هلمر1:مرت بينا لحظات حلوه كتير
نورا1:إنت ح تسيبنى
هلمر1:الشقه شقتك
نورا1:أنا ممكن أمشى ... وفيرونيكا تيجى هنا .. هى عندها شقه استوديو مش كده ؟ ليه تحشروا نفسكوا وإنتوا ممكن تعيشوا عيشه المرتاحين ... هى تيجى هنا وأنا أروح هناك .. الاستوديو .. وكفايه عليا كده
هلمر1:إزاى أاقدر أقنعك إن الموضوع ملوش علاقه بفيرونيكا
نورا1:مش حتقدر لأن الموضوع له علاقه
هلمر1:ملوهش
له نورا1:
هلمر1:أنا وهى بنشتغل سوا .. أدى كل الحكايه
نورا1:يا وسخ إنت بتنام معاها (تحاول إطلاق طلقه أخرى عليه لكن المسدس فارغ تبدأ فى النحيب)
هلمر1:(يقترب منها ببطء ويقف خلف الصوفا وينظر إليها) فاكرة قلتي إيه فى الأيام الجميله اللى راحت بلارجعه كنتي قاعده على الكنبه وأنا غرقتك من ورا ... موجه ورا موجه زى البحر اللى ييغرق الارض ساعة المد
نورا1:ارحمنى يا تورفالد
هلمر1:قلتي يمكن ده مش العالم الوحيد اللى إحنا عايشين فيه - يمكن فيه عوالم تانيه .. ف واحد منهم احنا سعدا .. فى التانى إحنا فيه تعبانين لو الكلام صحيح واحنا تعبانين دلوقتى هنا يمكن نكون سعدا هناك ...
نورا1:مفيش عوالم ثانيه
فيه نظريه علميه جاده بتقول إنه فيه هلمر1:
نورا1:طظ فيك وفى نظرياتك
هلمر1:فيه حاجه .. اسمها الماده المضاده .. بتعمل عالم موازى ... بيحتل نفس الفراغ اللى بيحتله العالم ده رغم إننا مش ممكن نشوفه أو نحس بيه
نورا1:فكره م تروح هناك إنت وفيرونيكا ؟
هلمر1:يمكن كل ما فى الأمر إنك تمدى إيدك (يفعل ذلك) يمكن قدام الكمبيوتر بتاعنا دلوقتى يكون فيه تورفالد تانى .. قاعد يبحلق فى الشاشه ... وعايش حياه موازيه مع نورا تانيه ... ويمكن حياتهم هى بالظبط الحياه اللى أحنا عايزين نعيشها وفشلنا ... ورغم كل ده برضوا مش مبسوطين
نورا1:وإنت الصادق مش تورفالد ونورا اللى عايشين فى عالم تانى دول تورفالد وفيرونيكا
هلمر1:مفيش فايده لازم أمشى
نورا1:(تمسك يده) تورفالد ممكن مره واحده مره بس آخر مره
هلمر1:ممكن إيه ؟
نورا1:هديه وداع زى أول مره .. بنفس الحراره ... بنفس الشوق


هلمر1:


انت بتقولي ايه؟
نورا1:زى يوم م بعتلى القاموس .. مره علشان خاطرى زى أول مره
هلمر1:الظاهر أنا اخترت شغلانه غلط ..... ( يرفع يده وينظر إليها)
الوقت متأخر قوى .. مقدرش أغيرها .... أنا بحب الجثث المعفنه
نورا1:إنت يا معفن يانصاب (تصفعه) طول عمرك نصاب كلام كتير ... وفعل مفيش .. اسلوبك وطريقتك إمش .. إمشى .. إمشى قبل ما طردك بره .. ( هلمر يمشى للباب ثم يستدير)
هلمر1:صحيح عندك استعداد تروحى الاستوديو بتاع فيرونيكا
نورا1:(بعد فتره صمت) أنا عندى فكره أحسن م تجبها هنا أأمن ويبقى زيتنا فى دقيقنا ونعمل دايره ... (يتوقف وينظر لها فتخرج له لسانها)
إظـــــــــلام

Monday, March 12, 2007

نورا نورا 2




تدخل نورا 2 عائده من العمل من اليمين وتلقى حقيبة يدها على الفوتاى .. يحاول هلمر 2 أن يغلق الإنترنت ويحول الكمبيوتر إلى وورد
نورا2:
حبيبى الشاطر بيشتغل ؟
هلمر2:
زى العاده
نورا2:
ترجمت كام كلمه ؟
هلمر2:
اكثر من الفين كلمه
نورا2:مش معقول ! اكثر من ألفين كلمه فى ترجمه مستحيله فى لغه مش موجوده انت عبقرى؟
هلمر2:
لا عبقريه ولا حاجه مجرد إصرار
(تلتقط سماعة التليفون وتستمع وتعيدها)نورا2 :
إصرار حقيقى على النت ؟
هلمر2:
بدور على حاجات
نورا2:
التليفون مشغول م الصبح أنا كنت بأحاول أتصل
هلمر2:
نسيت أقطع الإتصال
نورا2:
وعندك إيه إنهارده .. سرطان كبد ؟
فيبروبلاستوما ؟ ارتشاح رئوى ؟
هلمر2:
هدفع فاتوره التليفون
نورا2:
مش هيحصل لأن الدور عليا
هلمر2:
مش مهم
نورا2:
ما تيجى نروح البحر
هلمر2(مرتبكا): قصدك فى الصيف ؟
نورا2:
دلوقتى
هلمر2:
مش متأخر شويه ؟
نورا2:
بكره هاخد أجازه
هلمر2:
أنا تعبان
نورا2:
عمرك م كنت مش تعبان
تعالى زى ما أنت كده .. تعالى على إيديك ورجليك .. لو ما كنش فيه طريقه ثانيه بقالنا خمس سنين مرحناش أى حته
هلمر2:
ما تروحى لوحدك
نورا2:مش عايزه أروح لوحدى عايزه أروح معاك إحنا متجوزين مش ده العادى إن المتجوزين يروحوا سوا ؟
هلمر2:والعادى برضواإننا نقعدفى البيت
نورا2:
دايماً الحاجات اللى إنت عايزها
هلمر2:
كل واحد وطاقته
طاقتى نفذت وبصراحه وبكل أمانه قربت أبقى معوقه نورا2:

هلمر2: تهديد دا؟

نورا2:حاول تفهمنى يا تورفالد طول العشر سنين اللى فاتت معدتش عليك خمس ثوانى على بعض م فكرتش فيهم إنك حتموت بالمرض الخبيث
هلمر2:
ما تبالغيش
نورا2:عملت عشرين فحص كامل وكل مره كل اللى بيلاقوه شويه كولسترول مرتفع .. حتى الزكام ما جالكش غير مرتين فى العشر سنين .. يا راجل دا أنا بأنزكم فى الشهر مرتين
هلمر2:
لازم تخلى بالك من صحتك
إزاى أخد بالى من صحتى ومعايا جوز عنده عشرتاشر مرض جديد كل يوم نورا2:
هلمر2: متوسط محترم جداًعشرتاشر فى اليوم
نورا2:جالك عشر أنواع مختلفه من السرطان وخمس أمراض مستوطنه نادره م بتجيش إلا لبتوع غينيا بيساو فى خط الإستواء إنت اكتر مره قربت فيها من خط الاستواء كان يوم م حطيت صباعك على الكره الأرضيه ....جالك إلتهاب رئوى ، الزايمر ، باركنسون وضمور عضلات وتصلب شرايين وعن قريب الدكاتره هيخترعوا لك أمراض جديده مخصوص علشانك
هلمر2:
مش اتكلمنافى الموضوع دا قبل كده ؟
نورا2:
إتكلمنا فى إيه ؟
هلمر2:
كل واحد من حقه أو من حقها يستمتع أو تستمتع بالطريقه اللى تريحه
نورا2:
ودا يمتعك ؟
هلمر2:
واضح جداً
نورا2: بتتمتع بإنك تدور على أنك تثبت إنك عيان بتتمتع بإنك تقيس الضغط وتعد النبض كل نص ساعه تحلل بول وبراز ودم ولعاب ومخاط ومعرفش إيه ... وكل الأكل اللى بتتنيل وتحطه فى بقك عاوزه يتحلل علشان تعرف محتوى الدهون أد إيه
هلمر2:
أنا عمرى زعلت من هواياتك ؟
نورا2:
هوايات إيه ؟
هلمر2:
يعد على أصابعه: التأمل قرايه الكف الفنجان علم الفلك الطاقه العلاج بالروايح ، الكنيزيولوجى ، الكوتشينه ..... وبلاش أحسن نعد الكلام الفارغ اللى مش علمى وبيضحكوا بيه على الناس الهبل والسذج
نورا2:
أنا بأدور على الدليل إنى حية
هلمر2:
والنبى إيه ؟
نورا2:
إنت بتدور على دليل إنك بتموت أنا إيجابيه
هلمر2:
مش باين عليكى إيجابيه أبداً
نورا2:الفضل لحضرتك
إنت اللى جايه م الشغل تصرخى مش أنا هلمر2:
نورا 2(و هي تسقط على الفوتاى متعبه): إنت هتجننى
هلمر2:إنت اللى هتجننى نفسك دا إنتى تجننى بلد
نورا2:الغريب إنك لسه ما خدتش جايزه الترجمه
هلمر2:
بتتريقى عليا حضرتك ؟
نورا2:لا والله كل اللى بقوله بترجمه لغه خاصه بيك إنت الأبيض يبقى إسود والخير يبقى شر
إرحمينى الخير والشر مش كلام قديم شويه هلمر2:
نورا2:أه أسفه دايماً بأنسى إنك عبقرى ومثقف الخير والشر عندك مجرد كلمات فى فلسفة العامه الشر يعنى أى شئ على أد الحال واحد زميلى فى الشغل بيقول إنه كان فيه قاطع طريق زمان إسمه حسن شر الطريق
هلمر2
ينظر لها بتمعن :إنت فاضيه تدخلى فى مناقشات فلسفيه مع زمايلك فى الشغل
نورا2:
تبتسم :غيران ؟
يعود إلى الكتابه) :خالص ... مالص (هلمر2
نورا2:عمرك م بتغير .. لكن أنا عارفه إنى لو حاولت بالجامد قوى حخليك تغير
هلمر2:
الموضوع ده خلاص عدا أوانه
حاولى
نورا2: يمكن هى دى الطريقه الوحيده اللى ممكن أحييى بها الجثه اللى عايشه معايا فى البيت
هلمر2:
حتفضلى على كده كتير أنا عايزه أخلص الشغل اللى فى إيدى
إتفضل خلص (تسقط على الفوتاى) دانا ح دانا ح ..
هلمر2:حايه
حتعمليلى شاى مثلاً ؟
نورا2:أيوه ممكن أعمل شاى لكن مش حقدر ومش حعمل تقدر إنت ؟ حتعمل يا تورفالد؟
هلمر2:
ياربى هو كل حاجه عندك صريخ
ممكن تعملى كوباية شاى ياتورفالد ؟
هلمر2:
نورا ... أرجوكى ... أنا بأحاول اركز
نورا2:أنا تعبانه ولسه راجعه م الشغل وواقفه طول النهار على رجلى كتير أطلب منك كوباية شاى
عايزاه إيه نوعه .. فتله .. خرز .. إيرل جراى ... العروسه هلمر2:
نورا2:اللى تحبه (يدخل المطبخ .. تهرع نورا للكمبيوتر وتغلق ملف الكتابه وتفحص تاريخ ملفات الإنترنت المفتوحه .. تعيد فتح ملفات الكتابه ... تعود للفوتاى وتجلس متخشبه وهى تحملق فى الفراغ فيعود هلمر حاملاً كوباً من الشاى ويضعه على طاوله القهوه)
هلمر2:
عملتلك شيح أحسن ... الشيح مهدئ زى م بيقولوا ( يعود للكمبيوتر .. ثم ينظر إلى نورا) فيه حاجه ؟
نورا2:شكراً يا حبيبي .. (ترشف المشروب) يا سعدى يا هنايا .. أرجع من الشغل يقوم جوزى حبيبى عملى .. كوباية شيح .. كام واحده تقدر تقول جوزى عملى كوباية شيح
هلمر2:
يا فتاح يا عليم
نورا2(تمسك بالكتاب الموضوع على المنضده ):إيه ده قاموس الكلمات الجديده ودا جبته منين دا إنت م عمرك م بتخرج
هلمر2:من بياع م اللى بيخبطو ا على البيبان
نورا2:ومن إمتى بتفتح الباب لحد غريب ؟
هلمر2:
كان راجل لطيف جداً
نورا2
(ساخرة): سبب وجيه فعلاً
هلمر2:قالى إنه بيبيع القواميس علشان يخلص دراسته فى كليه الطب

نورا2:
وصعب عليك
هلمر2:
حاولت أساعده من غير ما أحرجه أى إعتراض ؟
وعرفت منين إنه مش بيضحك عليك ؟
م كانش لأنه.... هلمر2:
نورا2:
لأنه قعد يتكلم معاك عن أعراض الأمراض اللى عندك كان لازم أفهم طبعاً
هلمر2:
هو أنا لازم أعتذر عن إنى اشتريت قاموس محتاج ليه فى شغلى ؟
نورا2:
إنت بتدافع عن إيه ؟
هلمر2:
إسألى نفسك
نورا2:
يمكن أنا لازم أتعلم كلمات جديده (تفتح القاموس) م حدش عارف ... كلمات جديده .. أفكار جديده عصر جديد .. عمرك سمعت عن التطور المشترك
هلمر2:
فى إيه ؟
نورا2:
المستقبل .. الحاضر .. زى كتاب التغييرات الصينى بس الحدس هنا مختلف .. أنا أغمض عنيا (تغلق عينيها) وأفتح الكتاب (تفتح الكتاب) وأحط صباعى على كلمه ( تضع إصبعها - ثم تفتح عينيها ) ولقيت كلمه إيه ... كاروشى .. طبعاً إنت عارف معناها ما إنت تعرف كل حاجه
هلمر2:
لا .. ما أعرفش .. ارتاحتى
كاروشي .. الموت من الارهاق الناتج عن الإفراط فى العمل .. فى الجون .. الموضوع ده عام
هلمر2:
م كنتش فاكر إنك بتشتغلى جامد كده
نورا2:
دمك خفيف يا مضروب .. تورفالد .. أمتى آخر مره أخدنا أجازه ؟
هلمر2:
متبقيش ممله ومكرره
نورا2:
(تقوم)أنا مكرره وهفضل مكرره لغاية م تجاوب وتبطل قله.. أسفه يا تورفالد .... قاعد تبص على شاشه الكمبيوتر أربعتاشر ساعه فى اليوم وتقعد تترجم يجى ساعتين وتقعد تلعب فى دماغك وتدور على تشخيص لأمراض الوهم اللى عندك وباقى اليوم يا نايم يا مبحلق فى السماء .. قصدى السقف
هلمر2:
لا مش مضبوط
نورا2:
بجد ؟
هلمر2:
لا أنا بأعمل حاجات تانيه غير كده

نورا2:
قصدك بتعمل من ورايا ... لأنك عمرك م فاجأتنى من ييجى اكتر من 6 شهور
هلمر2:
أنا هفاجأك بسرعه مفاجأه جامده قوى
نورا2:لو كنت هعيش على وعودك كان زمانى مت (تتصفح القاموس .. يقترب منها من الخلف .. يخرج سكين صغير من جيب الروب .. يزيح شعرها ،يضع السكينه على رقبتها)
هلمر2:
ممكن تتفاجئ دلوقتى ؟
نورا2:
تورفالد
هلمر2:
إمتى حتبطلى تركبينى زى العفاريت ؟ هه ؟
نورا2:
تورفالد .. أرجوك
هلمر2:
ليه منبقاش زوجين طيبين ؟
هه ؟
قللى إنت نورا2:
هلمر2: نتفتى ريشى زى الفراخ وقطعت جدرى
أنا م عملتش حاجه يا تورفالد نورا2:
هلمر2: بصي لي هه شيفانى إيه راجل ولا دوده مهروسه
نورا2:
أنا عايزه أساعدك
هلمر2: مش عايز مساعده عايز أنساب فى حالى
نورا2:
دا أنا مراتك
ما هو عشان كده الست العاقله تسيب جوزها يتنفس هلمر2:
نورا2:ده أنا اللى هتخنق
يضغط بالسكين على رقبتها)وحاسه بإيه دلوقتى ؟ هلمر2:(
لذيذ ؟ أنا حاسس كده طول الوقت
نورا2:
تورفالد ... لا ... لا يا تورفالد
هلمر2:
وليه لأ
نورا2:
علشان بتحبنى .. حبك ليا .. وحبى ليك
هلمر2:
الحب ؟ جبتى الحفريه دى منين
نورا2:مش هعمل كده تانى .... وعد
هلمر2:
حتسبينى فى حالى ؟
نورا2:
أحلفلك
هلمر2:
(يبعدالسكين ويدفع رأسها بعيد) متفهمنيش غلط كل الناس من حقها تتنفس
نورا2: (تمسح رقبتها) إتنفس ياخويا براحتك يا تورفالد
يا كرم أخلاقك (يعود للكمبيوتر واضعاً السكين على الطاوله)
سؤال واحد
هلمر2:
حنبتدى تانى
نورا2:جاوبنى عن سؤال واحد .. دا كل اللى طلباه
اللهم طولك يا روح طيب سؤال واحد اتفضلى هلمر2:
نورا2:كنت بتدور فى النت على أعراض الإيدز ليه ؟
هلمر2:كنت عايز أعرفها عشان الترجمه
نورا2:أنت بترجم روايه من القرن ال 19
يقفز عليها ويبدأ فى ضربها .. تخفت الاضاءه حتى الإظلام, وفى الظلام نسمع نحيب نورا 2

Thursday, March 01, 2007

نورا نورا....مسرحية لايفالد فليسار




فازت مسرحية نورا نورا بجائزة افضل مسرحية في سلوفينيا عام 2004
وقد عرضت في القاهرة عام 2005 من اخراج شهيد الثقافة المرحوم الدكتور صالح سعد
ومن بطولة نيفين ابراهيم في دور نورا 1
ومحمد شندي في دور هلمر2
و د.صالح سعد في دور هلمر 1
و ماجدة منير في دور نورا 2
قام بعمل السينوجرافياالفنان السوداني د.عادل كبيدة
و قام بالادارة المسرحية الفنان الصغير مصطفى
وقد عرضت الفرقة في سلو فينيا المسرحية في افتتاح اسبوع المسرح السلوفيني عام 2005
ونالت اعجابا منقطع النظير
في سلوفينيا لعب الفنان الشاب احمد صلاح دور هلمر1

الفصل الاول

شقه متوسطه المستوى بها كنبه صوفا وكرسى فوتيه وطاوله للقهوه وفى أحد الأركان يوجد طاوله أخرى لجهاز كمبيوتر ومونيتور والشقه بها نباتات ظل ولوحات فنيه من المعتاد ان نراها فى منازل الطبقه المتوسطه المثقفه. وهناك أيضاً أرفف عليها العديد من الكتب .. .. الشقه ذوقها مرتفع ينم عن إرتفاع المستوى الثقافى وليس مستوى الثراء فى المدخل على اليمين وفى العمق يوجد باب للمطبخ وعلى اليسار يوجد باب حجره النوم.

تجلس نورا 1 على الصوفا مرتديه روب حمام أزرق ,وهى مثال للصحه والجمال.

وترشف شاى صحى بالفتله ويجلس هلمر 1 على الفوتاى وبجانبه على الأرض حقيبه كبيره من تلك الحقائب التى يستخدمها الباعه الجائلون

أما هلمر 2 فيجلس أمام شاشة الكمبيوتر وهو يجوب الإنترنت ويجلس مرتدياً روب حمام

نورا 1 تتصفح كتاباً ضخماً وهى ترشف الشاى, ثم تضع الكتاب على الطاوله

ملوش فايده ... نورا1:مش محتاجه ... أنا آسفه

هلمر1: مفيد جداً فى حل الكلمات المتقاطعه

نورا1:عارف ... أنا محلوله جداً ومتقطعه خلقه ... مبحبهاش .. بعت كتير ؟

هلمر1: مش النهارده

نورا1:يا عينى ... يا صغنن

هلمر1:يمكن فيها رزاله لكن لازم كل عيله يكون عندها واحد

نورا1:بس أنا مش عيله .. وإنت ؟

ولا أنا هلمر1:

نورا1:كمان مفيش كلام جديد ... على الأقل بالنسبه لى كله قديم ... ومعفن

(نورا تمد يدها وترشف رشفه من كوب الشاى)

هلمر1:الكتاب دا فيه اكثر من 2000 كلمه ومش حتلاقيهم فى أى قاموس تانى

نورا1:مثلا؟ً

مثلاً (يأخذ القاموس ويقلب صفحاته بسرعه)

عمركيش سمعتى عن كلمه كاروشى

نورا1:إيه ده ... المفروض أعرفها ؟

هلمر1:دى كلمه يابانيه معناها الموت من الأفراط فى العمل أو الأرهاق الناجم عن العمل

نورا1:الحقيقه أنا ممكن أموت من قلته مش من الإفراط

هلمر1:أو مثلاً كلمة كارا أوكى

يا راجل ومين ميعرفش كلمه الكارا أو كى : نورا1

هلمر1:أيوه كل الناس عارفاها .. بس مين يعرف معناها الحقيقى ؟ الفرقه الموسيقيه الفارغه

نورا1:حاجه جميله قوى .. مثلاً الواحد يقدر يقول فيه فرقه موسيقيه فاضيه قاعده تلعب فى حياتى طول السنين اللى فاتت .. وم حدش بيغنى لى

هلمر1:إنتى ما بتغنيش ؟

معنديش ودن موسيقيه نورا1:

لازم تلاقى حد يغنيلك هلمر1:

نورا1:عندك حد معين ؟

هلمر1:أو مثلاً مثلاً يعنى «كلمه كايزن» دى معناها التغيير للأحسن باستمرار ... كمان ممكن تعنى زيادة الانتاجيه .. دى ممكن تبقى فلسفه حياه ..

نورا 1:وهى كده بالنسبه لك ؟

هلمر1:أحيانا بأتعب ... وإنتى ؟

نورا1:زهقت من التعب .. أنا دلوقتى مرتاحه ومبلطه فى الخط .. مستنيه فى أوضه الإنتظار لحد ما ينادولى

هلمر1:إيه اللى مكتوب على الباب باللاتينى ده .... كل من يدخل عليه أن يأمل ؟

نورا1:إيه بتمتحنى ؟

أبداً .. أبداً .. وأنا أقدر .. واضح إنك مثقفه قوى هلمر1:

نورا1:واضح .. من إيه ؟

هلمر1:الراجل برضه بيميز صنف الحريم اللى بيتعامل معاه

نورا1:إيه دا حدس رجالى ؟ حاسه سادسه

سميها زى ما تحبى هلمر1:

نورا1:ودى من قاموس الكلمات الجديدة ؟

بالضبط ... قلب الهدف هلمر1:

نورا1:ودى برضوا من قاموس الكلمات الجديدة ؟

هلمر1:لا قلب الهدف كلمه قديمه .. دى معناها الرامى أو النبال أصاب الهدف بالظبط

نورا1:هو احنا فى معركه ؟

هلمر1:ومعناها إن الملاحظه فى محلها بالظبط

نورا1:شكراً للمعلومه ... هو إنت مدرس ؟

يضحك) أبداً .. أبداً ... وإنت ؟ )هلمر1:

نورا1:أنا سألت الأول ومتقوليش إنك بياع من اللى بيخبطوا على البيوت ويقولوا عايزين كتب عايزين كياس زباله

هلمر1:وليه لأ ؟

نورا1:ما تشبهش

هلمر1:اشمعنى؟

نورا1:الحدس النسائى ... الحاسه السادسه لو حبيت

هلمر1:عندك حق .. دى وظيفه مؤقته .. بارت تايم يعنى .. فى الحقيقه أنا .... مغرقاتى

نورا1:(تتمعن فيه) مغنواتى

هلمر1:مغرقاتى ... بالقاف .. زى القاهره .. القلعة

نورا1:ودى رخره كلمه جديده ؟

أيوه ومش حتلاقيها حتى فى القاموس ده هلمر1:

نورا1:وبتغرق إيه بقى؟

هلمر1 :غيطان وصحارى ... طول م مفيش مطرا أغرقهم وأحييهم

نورا1:عمل عظيم

هلمر1:وشاعرى .. بأعمل برك مليانه بالسحاب زى المرايا

.. النجوم تبص تشوف نفسها .. بتضوى فيها ..والقمر فى نص الليل يفرح بنفسه . والعالم بيعانى من الكوابيس

نورا1:ودى شغلانه بتكسب ؟

الحقيقه مش قوى لكن بأحبها .. بأكسب من بيع القواميس هلمر1:

لو فضلت على كده .. يمكن أفكر إشترى منك واحد نورا1:

هلمر1:تبقى خدمتينى وخدمتى نفسك كمان خدمه كبيره قوى

نورا1:وبتغرق إيه كمان ؟ الأرواح التعبانه

هلمر1:حصل

نورا1:أظن فيها طابور إنتظار

هلمر1:مش قوى كده .. وحتى لو كان فيه ... الناس بتتصرف وتاخد دور مش دورها من مجرد نظره، حركه ، همسه

نورا1:علشان محظوظين ؟

علشان موهوبين هلمر1:

:تحب تشرب شاى فتله. ده صحى جداً (هلمر يضحك) إنت بتضحك ولا مكسوف نورا1

هلمر1:بضحك علشان إنت نجحتى وإتصرفتى وعديتى الطابور كله

نورا1:بالشاى الفتله ؟

هلمر1:مش بالضبط ... بالطريقه اللى عرضتى بيها

نورا1:ودلوقتى هتغرقني

هلمر1:مش بإيدى ... المغرقاتى بيسمع الصوت اللى جاى من جوه

نورا1:وده مش موجود

هلمر1:المغرقاتى مجرد وسيله ... بينفذ أوامر الطبيعه ونداءها لحفظ التوازن والنوع

نورا1:حاجه جميله قوى

هلمر1:مسئوليه كبيره

نورا1:فيه كتير منكوا ؟

هلمر1:لازم فيه ... بس ملناش إتصال ببعض

نورا1:مش كويس

هلمر1:بالعكس .. ده طبيعى جداً .. لو عملنا نقابه حنبدأ نطالب بحقنا ودا ممكن يعمل مصايب

نورا1:لما الواحد يطلب حقه يعمل مصيبه ؟

هلمر1:طبعاً ... المهنه تبقى مؤامره ضد الناس اللى مفروض تخدمهم

نورا1:مش بالتغريق طبعاً

هلمر1:طبعآً .. فيه مزايا إن الواحد يبقى مغرقاتى أهم حاجه إننا م بنخدش فلوس على شغلنا

نورا1:ودى ميزه إيه دي ؟

هلمر1:طبعاً ميزه .. لو أخدنا هنحب الفلوس ونغرق اكتر واكتر .. ودا ممكن يعمل فيضان ولا حتى طوفان زى بتاع نوح

نورا1:عمرى م فكرت فى الموضوع ده

هلمر1:كمان ممكن تجينى طالبيه أغرق بلاد معينه تستحق طبعاً .. أو حتى جيوش بتهاجم

بلاد معينه .. أو بيوت الناس المهمه اللى بتعمل بلاوى

نورا1:قاعد قدامى منقذ العالم ؟

هلمر1:وإنت ؟

نورا1:أنا ؟

هلمر1:إيه إهتماماتك ؟

نورا1:إهتماماتى ؟ الحاجات اللى محبهاش فى شخصيتى

هلمر1:قصدى بتشتغلى إيه ... ومش بالضبط كده إيه هدفك فى الحياه .. كل واحد هنا

له سبب له هدف

نورا1:(تمد يدها اليمنى ) بتحب ضوافرى

ولا

مش عجبينك ؟

هلمر1:بموت فى صوابعك

نورا1:(تنظر لأظافرها) حقيقى .. مره واحد قال إنهم بيفكروه بمخالب وحش مفترس ... نفسه يغرسهم فى أول فريسه تقع فى طريقه

هلمر1:يمكن كان نفسه تغرسيهم فيه

نورا1:غرستهم ... وكانت كارثه لينا إحنا الإتنين علشان كده أفضل مغرسهومش فى حد خالص كفايه أحطلهم مانيكير ... وهو ده هدفى فى الحياه

هلمر1:بتعملى مانيكير لضوافرك ؟

نورا1:مش ضوافرى أنا بس ... فيه ستات كتير عاوزين تبقى مخالبهم حلوه

يبقى إنتى هلمر1:

مانيكرست

نورا1:كلمه قديمه مش كده ... ورينى صوابعك ... (هلمرا يمد يده .. تنحنى نورا على الطاوله وتنظر إليهم ) مش وحشين ... واخد بالك منهم ... أنا بحب الراجل كده ... لو حبيت أعملك علاج كامل تعالى فى دكانى فى المول ...

هلمر1:وإيه بقى العلاج الكامل ؟

نورا1:حسب الزبون .. عادة .. الزيارات ببلاش

هلمر1:(يسعل سعله خفيفه ) عشان كل واحد .... واللا علشان أصحاب الحظ السعيد

نورا1:واحد فى السنه .. لو كنت عايز تعرف

هلمر1:التواضع فضيله كبيره

لكن أظن الموضوع مينفعش مع الرجاله ... هتيجى ؟ نورا1:

هلمر1: ممكن جداً

نورا1:أنا كمان شغلتى عظيمه ومسؤليه كبيره .... لو العالم حيفضل فى إدين الرجاله ... الأحسن تبقى إيدين متمنكره

هلمر1: متأكده إن العالم فى إيدين رجاله ؟

فى إيديك على الأقل .. دا إنت تقدر تغرقه نورا1:

هلمر1: حتشترى القاموس ؟

نورا1:أظن لازم أقول أيوه مش كده ؟ خصوصاً وفيه كلمات كتير بتبدأ بحرف الكاف فيه كلمات تانيه ؟

هلمر1:(يبحث) ك ... ك ... أيوه فيه ..... كينزيولوجى

نورا1: ودى ليها علاقه بكينيا ولا بالكنافا

لا دى ولا دى .. دى من كينتيكس علم دراسه حركه الأجسام هلمر1:

نورا1: حركه الأجسام ؟

هلمر1:دى طريقه جديده للعلاج باستخدام اللمس والمساج علشان تصحح الخلل فى طاقه الجسم

دى تنفعنى جداً .. ممكن تفرجنى ... ورينى كده نورا1:

الحقيقه لسه مكملتش الكورس (صمت) لكن أحاول هلمر1:

نوراا1: أنا إنسانه عمليه أشترى الكتاب لو كان مفيد

هلمر1: يعنى مش شايف كتب عمليه كتير

نورا1:كلها ... الشعر والروايه مفيده للروح .... يعنى تغريقه صغيره ع الديق كده ... لكن الست ديماً بتستنى المغرقاتى الحقيقى يدقلها ع الباب

هلمر1: أظن كده

والأحسن كمان لو كان شاطر فى فن الكينزيولوجى نورا1:

ما قلتلك أجرب هلمر1:

نورا1: مش من عندك مش كده ... قرب شويه ولا دا مساج عن بعد ؟

هلمر1:(يتحرك خلف الصوفا) مش عارف يمكن مش مفروض أعمل كده

1 :فيه لحظات بيبقى المفروض عكس الحياه نورا

تفتكرى إحنا عايشين لحظه من اللحظات ديه هلمر1:

الله أعلم (يقف هلمر خلف الصوفا) من ورا ؟ نورا1:

هلمر1: م بتحبيش من ورا ؟

نورا1:أبداً بحبه قوى من ورا .. بس الأول أفضل من قدام مواجهة إلتحام العين فى العين

((يضع يده على كتفها) ساعات الواحد لازم يعمل الحاجات خلف خلاف (يبدأ فى المساج)

نورا1: ليه ؟ علشان من ورا الراجل بيفتكر إنه ماسك الموضوع فى إيديه ؟

الراجل مش عايز يمسك حاجه فى إيده هلمر1:

الست بتفرض عليه يمسك ...

أنا حذرتك أنا مش محترف

نورا1: لكن موهوب ... أه ... الله .... يا جماله .... هنا أرجوك ... (تجذب يده نحو صدرها تحت روب الحمام) هنا ... أيوه هنا الطاقة نقصانى قوى (هلمر يمسك صدرها أو بالأحرى هى التى تفعل باستخدام يده)

هلمر1:أيوه يمكن أنا موهوب فعلاً

نورا1:طبعاً ... موهوب .. كل اللى إنت محتاجه حد يشجعك ... إيه الألذ ... اللى بنعمله وإلا التغريق ؟

هلمر1:

الإثنين واحد تقريبا

نورا1:دا نوع من التغريق مش كده ؟

هلمر1:

قريب جدا

نورا1:فى الحالة دى علشان م نغرقش الانتريه يالا بينا على مكان أنسب ... فى أوضه النوم بتاعتى

هلمر1:(يرفع يديه) أوكيه (تسحبه نورا من يده وتتجه به نحو الباب إلى اليسار) لحظه واحده (يتوقفان) لحد دلوقتى معرفتش إسمك

نورا1: ...

مهم؟

هلمر1:

المغرقاتيه رومانسيين قوى

نورا1:إسمى نورا

(هلمر1يضحك) إيه اللى بيضحكك ؟

هلمر1:

قلتى إسمك نورا

نورا1:

وفيها إيه ؟

هلمر1:النكته .... إن إسمى تورفالد

نورا1:

نكته .. فعلاً .... بس مش حلوه قوى

هلمر1:

ممكن أوريك .... رخصه القياده

نورا1:أيوه ورينى (تغير رأيها وتسحبه من يده نحو الباب) يمكن الأحسن نعمل الأول وبعدين نسأل (يختفيان)