Wednesday, April 25, 2007

مختارات من القصة العربية القصيرة-1 رشح الذكريات محمد حسان مصر

قصة قصيرة رشح الذكريات
محمد حسان

يا الله سبع سنوات
وتلك الصورة معلقة على الجدار تنهمر منها الذكريات
وربما لم أرها من قبل الآن..( قالها فى سره)
هل كانت تلك الشعرة البيضاء هي السبب أم انه انتظر تلك النظرة لمفرقها ليبدأ هذا الموقف الجديد منها ومن حياته معا؟
ومن تلك الصورة؟
منذ..........
لولا تلك الجملة العابرة _ النسوية_ ما التفت ونظر نحوها وقبل أن يرفع عينيه في المرشح ماكان ليرى في مفرقها تلك الشعرة البيضاء الوحيدة نافرة وكأنها جندي يستطلع الميدان بداية لغزوة كاسحة قادمة لا محالة, من جيش لا يرحم .
لم يكن يفكر كثيرا في أن حسنائه التي استولت على جزء كبير من عواطفه
ستتحول الآن تدريجيا إلى أن تكون سيدة بيت فقط ويزحف اللون الأبيض إلى شعرها تدريجيا أو فجأة كما شاهدها اليوم بعد عودته من الدوام ووجدها كما يجدها كل يوم في المطبخ أمام قدر يغلى تتأمل مرشح السقف المعلق طائرا فوق الموقد الغازي والتفتت حنونة لقدومه وقالت كلماتها المكررة عن موعد الأكل ونوم الأطفال ولم تكن تنتظر منه إجابة وهو يستدير خارجا من باب المطبخ الذي لم يدخله لولا أن جاءت بكلمة جديدة حول مرشح السقف وكيف أن نقاط الزيت التي امتصها فاضت عن احتماله وبدأ في التنقيط وإعادة ما امتصه منذ زمن طويل .

في الصالة وهو جالس ينتظر انتهائها من إعداد طعام الغداء ظن أن الإلهاء بالتفكير في الأكل سينسيه مرأى تلك الغزوة الموشكة على الاكتساح لولا أن التفت لصورة الزواج المعلقة على الجدار ودقق فيها البصر كانت الصورة عائلية اكثر منها زوجية لشخصين اثنين يتزوجان
اكتظت الصورة بأعداد كبيرة من المحتفلين , الوالدين رحمهما الله, ووالديها, بعض الأقارب هنا وهناك , اجتهد كثيرا ليتذكر أسماءهم, إلا هذا الشخص الجاثي على ركبتيه اسفل الصورة محملقا, فاتحا عينيه على اتساعهما ومبتسما بتوعد.
لم يذكر انه عرف هذا الشخص من قبل أو دعاه لحفل زواجه, ولكن لم هذا السؤال عن هذا الشخص اليوم ألم يره من قبل طوال السنوات السبع ؟

على المائدة وطنين الزمن يغطيه , كاملا سألته ذات الشعرة البيضاء : ما العمل؟
أجاب بعفوية: فيما؟
قالت: الرشح
رد وهو يلتفت نحو العينين المحملقتين للرجل الغريب المبتسم: لا بد أن عمره الافتراضي قد انتهى ولا بد من تغييره.
ربما .
قالت : أتعرف أننا دخلنا معه هذا البيت أول مرة وتم تركيبه يوم زفافنا, كان هدية من زميلات الدراسة.

ازداد رشح الذكريات من صورة الزفاف المعلقة حتى كاد أن يسمع صوت نقاط الذكريات والأشخاص تنهمر على أذنيه ورأسه وهو ولأول مرة يتأمل صورة زفافه.
صمت ولم يجب وانهمكا في الأكل قبل أن تزيد : لن يهون على إلقائه في الشارع لم لا نفكر في إصلاحه وإعادة دهانه؟


غمغم بكلمات غير معروفة وقام متجها نحو صورة الزفاف بتأملها ثانية محاولا إيجاد أية ملامح تشابه بين الزوجين الأنيقين السعيدين المضطربين في الصورة وبين شخصين هو واحد منهما غارقين في رشح الذكريات حتى الغرق .

Wednesday, April 18, 2007

نورا نورا9



المشهد العاشر

نورا1 تطلى اظافرها وهى جالسه على الصوفا وترشف من كوب الويسكى .. وهى تدخن سيجاره وتحرك السيجاره من فمها ليدها وبالعكس ومن يد لاخري وهكذا هلمر2 ممسكا بمسدس فى يده ويرتدى زى الفداتئيين ويروح ويجىء
هلمر2:
نار نام نار نام تم تم تم نار تم تم تم نام
يرن الموبايل ويرد- أيوه .. الست فيرونيكا عندها شغل تقدر تكلمنى ( ويجلس ويلتقط ورقه وقلم ويستعد للكتابه ) الموبايل بتاعها ؟ .. دا بتاعها
أنامين ؟ الاستاذ الدكتور تورفالد هلمر .. استاذ ورئيس اقسام وكبير الخبرا فى جامعات مقدونيا .. وسكسونيا .. وفسكونيا ..واخصائى القلب والاورام و العلاج الروحانى وغير الروحانى .. بهزر ؟ أنا ؟
على العكس تماماً يا سيدتى .. الحياه صراع مستمر ضد النهايه المحتومه وأنا كسبت ( يغلق الموبايل ويقف ويعاود المشى ) آينز .. تسفاى دراى فير .. يدن تفي تري تشتري ون تو ثري آن دو تروا كاتر واحد .. اثنين .. ثلاثنه .. اربعه .. اونو دوا .. ترى كواترو...... خير ..النهارده عندنا تغيير
(يجرى لطاوله الحاسب ويمسك بالموبايل ويضرب الرقم الاخير وينتظر فى قلق )
مره تانيه انا .. تورفالد هلمر .. المعلومات السابقه اللى اديتهالك عن مهنتى كانت غير صحيحه . إفتكرت دلوقتى .. أنا مترجم حر .. احسن واحد مفيش شك فى كده وبكره احنا على فين بالضبط .. احنا مين .. انا ترجمت الكتاب المقدس لـ 35 لغه ولخمسه وتلاتين لغه تانيه فى نفس الوقت .. فورى .. محدش يقدر يكسبنى فى سعه ودقه الترجمه الفوريه .. ألو .. الو .. ( يضع الموبايل .. يجلس على الفوتاى .. يحملق فى نورا التى تأتى م المطبخ حامله معها كوب من الشاب .. تضعه على الطاوله الكمبيوتر وتربت على كتف ورأس هلمر)
نورا2:
شاى علشان ارنوبى الحبوب
هلمر2:
ارنوبى الحبوبي .. ( يضع المسدس على جبهته ) حبوبى الأرنوبى بوم .. بوم
نورا2: ..
ارنوبى الحبوبى لازم يشرب شاى حبوبى الارنوبى .. حلو علشان الحلو والشاى فيه الدوا .. والدوا علشان حبوبى .. يروح ينام
هلمر2:
الاستاذ الدكتور تورفالد هلمر خبير فى ... ( بسرعه شديده ) المورفولوجيا .. والنرولوجيا والجيولوجيا والبورولوجيا .. واليونولوجيا .. والمكسولفيا .. والاستاتيكا والبولوتيكا والبرنطيقا .. والميكانيكا .. برافو الاستاذ الدكتور تورفالد هلمر .. حل اللغز .. مكافأه

( هلمر يمد يده .. نورا تبحث فى جيبها وتجد شكولاته تقطع منها جزء وتضعه فى يد هلمر 2 )
نورا2:
برافو ارنوبى الحبوبى .. ودلوقتى الشاى علشان ارنوبى ( يمد يده تقطع قطعه اخرى ويأكلها ) بالهنا يا صغنن .. ارنوبى الحبوبى يشرب الشاى ويروح ينام يا صغنونى (يمتد هلمر على الارض فى وضع الجنين)
هو الارنوب نسى ان عنده سرير
هلمر2:
يغمم لنفسه الاستاذ الدكتور تورفالد خبير .. الاستاذ الدكتور هلمر خبير علم الحساب .. علم الأنساب .. والكتاب والسباب .. والشباب والكباب و35 مرض خطير بتهدد البشريه ( يتثاءب) الاستاذ الدكتور هلمر .. هلمر استاذ دكتور ارنوبى الحبوبى .. لازم يروح ينام
( تنحنى نورا 2 عليه وتهززه من كتفه .. هلمر 2 نائم )
تقف- الحمد لله .. 10 ساعات على الاقل
؟ تتجاوزه وتلتقط الموبايل وتطلب رقماً .. يرن موبايل نورا 1 وترد - أهلا .. ممكن اجى دلوقت .. الوقت مناسب
تنظر فى ساعتها - اعتقد كده .. ح ابقى لوحدى 3 ساعات كمان
كويس اشوفك (تنحنى على هلمر وتلتقط المسدس وتضعه مع الموبايل فى حقيبتها وتخرج من الباب الرئيسى نورا2-
تنظر نورا1 لاظافرها المطليه - نا نا نا نا نا نا .... نا نا نانا نا
( يدخل هلمر1 من الباب الرئيسى ويتسلل خلفها ويقف خلف الصوفا بحيث لا تراه )
نا نا نا نا نا ... نانا نا نا نا

مرتعبه - يوه خضيتنى يا تورفالد .. جيت إمتى ؟ مش عادتك دا انت لسه قدامك 3 ساعات على الأقل
هلمر1:
اتضايقتى ؟

نورا1:
طبعاً لا .. بس خضتينى .. يا ربى .. فيه حاجه غلط ؟
هلمر1:
ابداً .. الوليف رجع يشوف لو الحمامه عايزه مراعيه
نورا1:
انامش فايقه لنكتك القديمه
هلمر1:
كان ممكن اتصل أأقول انا جاى زى فرافيروا .. بس أفتكرت صاحبنا القديم الاستاذ حظ
نورا1:
مش الأحسن تستنى وقت مناسب
هلمر1:
مش دا اللى انا بأعمله ؟ الجتت مستنيه المشرط بتاعى
أنا العبيط مستنى اخد حقى من مراتى
نورا1:
مش حرد عليك
هلمر1:
استعبطى زى العاده
نورا1:
تورفالد علاقتنا فى مرحله حرجه
هلمر1:
علاقتنا ؟ الكلمه دى منين .. من قاموس الكلمات الجديده
نورا1:
من قاموس الإكلاشيهات .. ماهى بقت كده وانت بتعمل كل اللى بتقدر عليه علشان تخلى الأمور اسواء
هلمر1:
قبلتى إنى ارجع .. كنت عاوزانى .. ودلوقتى مش قادره تقبلى رغباتى
نورا1:
يمكن مش قادره اأقبل انك هنا والمفروض تبقى هناك
هلمر1:
اللى مش قادره تقبليه .. ان أنا مش جته .. أنا عارف لعبتك إنك م تحبيش تخسري لما تخسري تفلسى .. حرقت لك الواد تقومى ترمى الكوتشيينه مش كده ؟
نورا1:
ارجع شغلك يا تورفالد ارجوك
هلمر1:
بتحنى ليه ؟
نورا1:
مين اللى باحنله ؟
هلمر1:
الاستاذ العيان .. الاستاذحديده .. م قلتليش ليه إنك زرتيه لما رجعت
نورا1:
كان لازم اخلص مسائل معاه .. كنت برعاه .. هو كان
هلمر1: ...
م كانش لازم .. كنت عايزه .. كام مره ..؟
نورا1:
كام مره إيه ؟
هلمر1:
كام مره ركبتى عليه ؟
نورا1:
كفايه ( تقوم ) إنت إيه مولود أمتى ؟ ده عيان بس إنت عيان اكتر منه بكتير
هلمر1:
ح أقتله وإنتى السبب
نورا1:
أنا السبب
هلمر1:
أنتي إديتنى المسدس وأنا حطيت رصاص حقيقى-يمشى نحو الباب يستدير ينظر لها ثم يخرج
نورا1:
يا إلهى .. ( تلتقط الموبايل .. تضرب رقماً .. يرن على طاوله الكمبيوتر لهلمر2 .. يتحرك هلمر ويصحوا ببطء
الموبايل ما زال يرن .. تيأس نورا وتضع الموبايل .. تصب كاس ويسيكى لنفسها
نورا تستكمل طلاء اظافرها ) نا نا نا نا نا ... نا نا نا نانا - تدخل نورا 2 من الباب الرئيسى تتوقف وتصغى لنورا 1 .. تتنحنح لنورا 1 . وبدهشه تستدير تنظران لبعضهما البعض لمده 30 ثانيه
نورا2:
إنت مش كده ؟؟ تبتسم 2وتدخل الغرفه
نورا1:
وإنت مش كده يرضوا ؟ ( تمشى لمكان على الصوفا وتدعوها للجلوس بجانبها تجلس نورا 2 ) إنت أحلى بكتير من اللى كنت خايفه منه
نورا2:
وإنت كمان
نورا1:
تضحك -أنا بقره مجنونه بتتمنكر ضوافرها عشان مش لقيه حاجه تانيه تعملها
دا انا جربت 20 نوع من الاكلادور ( تشير لصف من زجاجات الاكلادور على الترابيزه)
نورا2:
غربيه إننا ما تقبلناش قبل كده
نورا1:
ممكن إتقابلنا .. تورفالد بيقول
نورا2: ...
تورفالد مين ؟
نورا1:


تبتسم- تورفالد بتاعى
نورا2:
بتاعك مين ؟ينظران لبعضهما البعض لفتره وجيزه
نورا1:
جوزى .. رئيسك فى السابق فى المشرحه .. الدكتور الشرعى .. جوزى السابق واللى يمكن يرجع سابق بسرعه .. بيقول ان فيه عالمين على الاقل ..
كل اللي احنا محتاجينه نمد ايدينا( تمد ايديها وكذلك نورا 2 لكن فى اتجاه مضاد)
يمكن هناك قدام الكمبيوتر قاعد تورفالد تانى عايش حياه موازيه مع نورا 2 زيك ويمكن حياتك هناك معاه هى الحاجه اللى كلنا نفسنا فيها دايما أنا وتورفالد بتاعى

نورا2: ...
؟ تضحك ضحكه صغيره- مش معقول .. كان نفسك فى كده
كمان نورفالد بتاعى اللى كان بتاعك كمان .. بس زود شويتين م بيقعدش على الكمبيوتر وبينام على اللأرض قدام الفوتاى .. معدش مريض بالوهم بقى مجنون رسمى
نورا1:
يا حرام م كنتش عارفه
نورا2:
تلتقت حولها- مدهش .. نفس العفش تقريباً
نورا1:
أيوه .. نورفالد بتاعك القديم والجديد .. قال إنه تمام زى عفشكوا حتى لون الحيطان
نورا2:
ممكن جداً
نورا1:
يبقى انت صدقتينى ؟
نورا2:
لا انا ليا أفكاري بخصوص العالم الموازى .. أظن ان كلنا عايشين فى عالم واحد بس محبوسين فيه محكوم علينا بالحياه الشاقه المؤبدة
نورا1:
مش فاهمة بالظبط؟
نورا2:
عايشين فى عالم من أوهام الرجاله منقدرش نحوله حقيقه .. علشان كده لما بيحبونا قوى بيكرهونا .. عايشين فى عالم من رغباتنا اللى م يقدروش يحققوها .. وعلشان كده بيكرهونا برضوا
نورا1: ..
مقدرش أقول انى بكره حد فيهم
نورا2:
الستات متعرفش تكره
نورا1:
والصداقه؟
نورا2:
هى مرحله من مراحل الحكمه .. وهى من مراحل اليأس برضوا
نورا1:
أنا سعيده إنك جيتى
نورا2:
أنا سعيده إنك قبلتى إنى أعزم نفسى من غير اى تحفظات
نورا1:
كان فيه تحفظات وكان فيه أعتراضات بس مش الفضول اللى خلانى أأقبل
نورا2:
بجد ؟
نورا1:
بجد .. أنا فهمت إننا عيله واحده .. لو فيه عالم كان ممكن احنا الاربعه نعيش مع بعض
نورا2:
العالم ده موجود .. واحنا عايشين فيه مع بعض
نورا1:
( تبتسم- نفسى قوى أصدق الكلام ده ( يدخل هلمر من الباب الرئيسى يلاحظ هلمر 2على الارض ينحنى عليه ويهزه .. هلمر2 يفتح عينه
هلمر1:
إيه نظامك ؟
هلمر2:
نصف نائم - الاستاذ الدكتور تورفالد هلمر .. خبير فى الفولوجيا .. النولوجيا والاطفال والكبار والعصبيه ( يخرج هلمر1 زجاجه صغيره من جيبه .. يفتح فم هلمر 2 بالقوه ويرششيء ما في حلقه)
هلمر1:
حد خدرك بمخدر قوى ( يمسكه ويقيمه على قدميه ثم يجلسه على الفوتاتى ) طريقتها
نورا2:
الحقيقه أنا مش جايه اشوفك ... انا جايه لهدف
نورا1:
فعلاً
نورا2- آه. ا أسفه .. أنا قولت أنا اسفه .. بس أنا قاعده أحول نفسى من كائن بشرى لراجل .. ومن راجل لكائن بشرى ..
هلمر2:
المترجم خائن باللاتينى تراديتورى ترادتورى .. الرجاله كائنات ناقصه وكل كائن بشرى ناقص .. الرجاله مش بشر
هلمر1:
واضح انك اتبرمجت .. الستات مش بشر
هلمر2:
الستات ألهه وقعوا وهما نزلين من الهرم .. واتكعوروا
واتعوروا م بقوش قادرين يرجعوا تاتى .. الحق عليهم م قعدوش مطرحهم ليه ؟
نورا2:
أنا جاى أأقتلك
هلمر1:
أنا جاى أأقتلك
نورا1:
تضحك - بالبتاع الصغير ده ؟
هلمر2:
حقيقى .. الله يخليك ( يبحث فى جيوبه ) أنا معايا مسدس .. هو راح فين ؟
هلمر1:
دلوقتى لقيت حد تانى سبقنى ؟ أسف يا زميل الرجاله بتقتل بسرعه الستات بقى بتقتل ببطء علشان بيتمتعوا بالقتل
نورا2:
عرفتي ازاى إني مش حاطه رصاص حقيقى ؟ تخرج المسدس من حقيبتها وتصوب على نورا1
هلمر2:
أنا عارف إنت مين .. كانت دايما بتتكلم عنك بكل خير .. أظن إتها حبتك
هلمر1:
مين ؟
هلمر2:
نورا
هلمر1:
نورا مين فهيم .. بتاعتك ولا بتاعتى؟؟
هلمر2:
بتاعتنا كلنا .. تضايق لو قلت بتاعتنا
هلمر1:
قول وخلصنى بس هي مين ..؟ انا لسه مش عارف
هلمر2:
مش مهم .. قريب قوى الكلام هيخلص منى .. طز .. حاشرب شاى ارنوبى الحبوبى .. وأحلم .. عجزت السنه اللى فاتت شئ رهيب مش كده ؟ اكبر سنه كامله من السنه اللى قبلتها .. لو الموضوع استمر على كده .. هتخلص سنين عمرنا .. مرعب .. بس .. أنا كنت هعمل إيه بالسنين لو مخلصتش .. تقدر تقولى
هلمر1:
ممكن تحاول ترجع كرامتك زيي – يقوم
نورا2:
مش خايفه ؟
نورا1:
مرعوبه قبل م ادى المسدس لتورفالد بتاعك .. عشان يخوفك لما يموتك تورفالد بتاعي كان غير الرصاص وحط رصاص حقيقى

هلمر2:
إنت مين .. بجد أنت مين ؟
هلمر1:
مش هتحب تعرف
هلمر2:
لا .. نفسى أعرف .. كلامك نفخ قوى .. كرامه .. دى من قاموس الكلمات الجديده مش كده .. طالب طب بعهولى من سنين فاتت
هلمر1:
أنا
نورا2:
يعنى ؟ ( تنظر للمسدس في يديها
نورا1: -
وأنت عايزه تقتلينى ليه ؟
نورا2:
علشان م عدتش فاهمه حاجه خالص
نورا1:
ولا أنا .. لكن ادينى بحاول .. مش كده معقول ؟
هلمر2:
اللغه .. هى اللعنه اللى حلت علينا .. عايشين فى عالم اسمه بابل
هلمر1:
واضح انك مش مجنون قوى زى م عاوز الناس تفتكرك
هلمر2:
حتفضحنى لو قلتلك أنه صح ؟ مش ممكن مش كده ؟ الضحيه مش ممكن تسلم ضحيه زيها للجلاد .. لعشماوى .. وإلا ممكن والله ما انا عارف .. ماشى ح خاطر .. ايوه أنا مش مجنون زى م أنا عايز الناس تفتكر فى .. وده يخلينى اكسب شويه حاجات صغيره كده .. ماقدرش أعيش من غيرها
هلمر1: .
وعزه نفسك ؟
هلمر2:
كلمه من مضاف ومضاف اليه من قاموس الخرافات .. إحنا رجاله وبنفهم النسوان والنسوان تفهمنا .. إننا متحكمين .. بشم كويس .. طب باشم أيه ؟ ريحة الستات .. الورد الحلو.. السم اللى فى شوكهم .. الرجاله اللى خايفه .. تستخبى .. معندهاش عزه نفس .. اى سؤال تانى؟
هلمر1:
لا نكتفى بهذا القدر
هلمر2:
كلك ذوق .. شكرا ( يعود للنوم على الارض .. تضع نورا 2 المسدس فى الحقيبه وتتقدم وتركع امام نورا 1 وتضع راسها فى حجرها نورا 1 تنحنى عليها وتحضنها)
هلمر1:
أناحاسس ان فيه حد كسب فى اللعبه دى .. بس لو سالتنيى مين هقولك م عنديش اى فكره
هلمر2:
دور الكسبان كتير عليا .. خده إنت لسه شباب يمكن يفيدك بس أحب أأقولك .. إن عبارة إن الستات تحب الكسبان مش مظبوطه قوى .. الستات بتحب نفسها في أدوار مختلفه .. مره كده .. ومره كده وهلما جرا
هلمر1:
للاسف م كانش فيه فرصه نبقى صحاب
نورا2:
للأسف م كانش فى فرصه نبقى صحاب
هلمر2:
يا راجل .. دا قاموس الفرص الضائعه ولا وحتى نقطه فى بحر
هلمر1:
نروح ازاى هودا السؤال؟؟

هلمر2:
مش مهم .. المهم م تنساش تبقى تقفل الباب وإنت خارج
هلمر1:
فيه اى حاجه حصلت .. إحنا رحنا فى حته ؟
هلمر2:
ليه حكايه مين وإمتى دى بطل جغرافيا وتاريخ وتربيه وطنيه صدقنى .. اكبر مغامرة هى إنك تفضل زى ما أنت
هلمر1:
حقيقي انا مرة شفت فيلم تسجيلي عن زرافة بينقلوها من جنينة حيوانات لجنينة تانية.......
اظلام تدريجي ثم يسدل الستار .......

نورا نورا 8


نورا 2 ما زالت تكتب الرساله .. يدخل هلمر1 من خلال الباب الرئيسى يحمل كتاب فى يده .. يتوقف .. ينظر الى نورا 1 .. يقترب منها يجلس على الفوتيه
هلمر1:
الباب كان مفتوح فدخلت
نورا1:
الأبواب معموله علشان كده .. ندخل منها.. وننطرد منها .. ونرجع منها وراسنا مدلدله زى الكلاب الجعانه
هلمر1:
يضع الكتاب على طاوله القهوه- انا بياع كتب .. معايا عرض خاص إنهارده على قاموس الاكلاشيهات
نورا1:
كلاشيهات .. وفايدتها ايه ده ؟
هلمر1:
الكلاشيهات .. جزء لا يتجزء من حياتنا اليوميه
نورا1:
أكيد .. م أنت بتستخدمها دايماً
هلمر1:
الحاجه تجر حاجه وهلما جرا الكليشيه يطلع من الجره
نورا1:
أيوه أيوه .. كان فى جره وطلع لبره والكلام الجديد يبقى أكلاشيه حكم الدنيا بتلف
هلمر1:
طبعأً .. وكله فان .. وأكلاشيهات تجيب أكلاشيهات وعلى ودنه
نورا1:
تمام .. والواحد لازم يفتكر أخرته .. ويسأل نفسه هى أخرته إيه حته قطنه
هلمر1: ..
بالضبط .. الواحد معدش بيعرف الألف من كوز الدره
نورا1:
وإنت جاى تقولى إن إنت كوز ولا دره ؟
هلمر1:
مش عارف ليه حاسس إنك قريانى وعجنانى وخبزانى
نورا1:
مش بالضبط .. الدنيا لفت من ساعه آخر مره إتقابلنا
هلمر1:
لفت وخلت النهار ليل والليل نهار
نورا1:
خليت الاثنين فى نفس الوقت ونفس المكان
هلمر1:
ليل نهار .. زى الفيضان الجاف ؟
نورا1:
حاجه زى كده .. عنيا بطلت تدمع .. خلصت دموعى .. م فضللش عندى غير انى عايزة اخلص حقى
هلمر1:
تضربي اكلاشيه بأكلاشيه
نورا1:
الإنتقام حلو
هلمر1:
مفيش شك فى كده .. بس الحلاوه الزيادة تجيب سكر
نورا1:
بجد ؟ وإيه اعراض السكر؟
هلمر1:
قله التركيز .. القلق .. دوخه .. إغماء .. كوما

نورا1:
وده أسمه إيه .. اكلاشيه الوجوديه
هلمر1:
الواحد لمابيكرر أخطاءه يبقى صعب قوى يعيش حياته من غير اكلاشيه
نورا1:
وإنت .. جاى تكرر غلطتك ؟
هلمر1:
عيل وغلط .. ومحناش هبل .. بنشتري سمك فى ميه . لازم نكون صرحا مع بعض
نورا1:
دا ممكن ؟
هلمر1:
وليه لا؟
نورا1:
ديل الكلب عمره ما ينعدل
هلمر1:
أبداً .. الكلب بيغير جلده .. ويبقى قطه
نورا1:
حتى القطه بتخربش
هلمر1:
عايزه حنان .. عايزه حد يطبطب عليها .. ادى كل الموضوع
نورا1:
مش كانوا بيطبطبوا عليها فى الحته اللى كانت فيها ؟
هلمر1:
ابداً .. علشان كده هربت وقررت تيجى
شكلها قطه خوانه
هلمر1:
أبداً .. بس نفسها فى شويه حنان .. خايفه القطر يفوتها
نورا1:
ح يخدها لفين ؟
هلمر1:
للجنه
نورا1:
الجنه حالها اتغير .. الشر زاد قوى .. ولاد الحرام مخلوش لولاد الحلال حاجه البوص بقى خوازيق
هلمر1:
م كنتش فاكر إن الحاله وحشه كده
نورا1:
ألعن
هلمر1:
يبقى محتاجين حمله إنقاذ بسرعه
نورا1:
فيه حاجات مش ممكن ننقذها .. أحسن حاجه تخلص روحها براحتها
هلمر1:
يقف ببطء- للاسف .. باين الاكلاشيهات مش نافعه والأمل مش نص الحياه دايما لازم نقول للاعور إنت أعور فى عينه
نورا1:
إإقعد
هلمر1:
أفندم؟
نورا1:
إإقعد يا نورفالد وبطل شغل التلامذه بتاعك .. مش هينفع فى حاجه ولا حيفيدنا خالص

هلمر1:
يجلس- م افتكرش أنا كنت سعيد من حد بيأمرنى زى دلوقتى
نورا1:

متعدش الفلوس قبل م تكسبها
هلمر1:
مش قلتى نبطل اكلاشيهات؟

نورا1:
ممكن نبطل أكلاشيهات فى الكلام .. لكن اللى بينا هيفضل أكلاشيه
هلمر1:
أنا جاى ندمان .. وزعلان من نفسي ومعترف بذنبى وطالب الصفح والمغفره وطالب من ربنا يقدرنى اعوضك عن كل اللى فات ونبتدى من جديد وده أكلاشيه جديد
نورا1:
نهايتك كانت فوق فيرونيكا .. وأنا تحت تورفالد بتاعها ودا اللى عايزه أبتدى منه
هلمر1:
أنا رجعت علشان فهمت .. فهمت
نورا1:
فهمت إيه ؟
هلمر1:
فهمت إن أنا
نورا1: ...
محتاجنى؟؟؟؟
هلمر1:
لا .. بحبك
نورا1(تضحك ) ( تصب لنفسها كأس )- استحق كاس على الكلام ده ( تشرب) مش هعزم علشان عارفه إنك متبشربش
هلمر1:
الحقيقه...
نورا1:
ولو بتشرب المفروض تبطل .. انا خلاص فات الميعاد ( تشرب ) إنت بتحبنى .. أيه اللى حصلك؟
هلمر1:
أتغيرت
نورا1:
يا راجل بطل اكلاشيهات .. مش اتفقنا نبطل كلام شكله بقى شتيمه ومش تعبير عن عواطف حقيقيه .. أنا بحبك .. يا ربنا
هلمر1:
دى حقيقه
نورا1:
وحتى لو كانت ... وهى مش كده بالتأكيد .. لان الراجل مش بيلاقى الحب كأنه لقى ورقه بخمسه مرميه على الارض بقولك حتى لو كانت فدا مش كفايه
هلمر1:
ح اديلك كل حاجه
نورا1:
متقدرش .. لأن معندكش حاجه .. وكمان أنا مش عاوزه
هلمر1:
حاديلك كل اللى انت عاوزاه
نورا1:
أنا مش محتاجه خدام .. أنا عاوزه راجل
هلمر1:
ممكن أقدم

نورا1
إخترت واحده تانيه
هلمر1:
عيل وغلط
نورا1:
بس هنا مش إصلاحيه للأحداث يا حبيبى
هلمر1:
إدينى فرصه تانيه
نورا1:
علشان أشوفك مره تانيه بتنام مع جته
هلمر1:
إنت عارفه كويس إنى كنت بالف الموضوع ده
نورا1:
وجالك قلب منين تألف الكلام المقرف ده .. دى حدوته اوسخ من العمايل
هلمر1:
ربنا خلقنا بشر ناقصين .. والشيطان شاطر ووزنى . إحنا بشر خليط من البراءه والوساخه .. أنا مين علشان أحاول أبقى أحسن من غيرى ؟
نورا 1:
هى طردتك ؟( تنظر اليه)
هلمر1:
أنا اللى سبتها
نورا1:
أنت حبيتها ؟ ( تضحك ) اسفه .. الكلمه م بتبعديش من غير ما أضحك عليها
هلمر1:
مش زى م حبيتك
نورا1:
قصدك فين ؟ من ورا .. م صدقش
هلمر1:
وأنت حبيتيه ؟
نورا1:
تورفالد ؟
هلمر1:
أنا تورفالد
نورا1:
إنت فاكر إيه .. دا فيه تورفالدات أكتر م الهم على القلب يملوا مسرح الدوله كله ويمكن القطاع الخاص معاه .. وكلهم زى بعض .. دكره خوانيين
هلمر1:
أنا م ليش زى
نورا1:
دا اللى بيجمعكوا كلكوا .. إن كل واحد فيكم مالوش زى
هلمر1: ..
مش كل واحد فينا .. انا بس اللى مليش زى
نورا1:
مغرقاتى .. غرقت إيه قريب ؟
هلمر1:
المشرحه .. قلبت الترابيزه على التكييف خرمته عملت 3 برك
نورا1:
تضحك - مش ممكن .. طول عمرك كده
هلمر1:
انا مبسوط إنك لسه فاكره
نورا1:

فاكره إيه ؟
هلمر1:
دمى الخفيف
نورا1:
بس م كانش خفيف على قلب فيرونيكا
هلمر1:
سبتها علشان خنقتنى
نورا1:
كل الرجاله بيقولوا كده دايما
هلمر1:ً
وأنت .. كنت عايشه إزاى مع المختل ده؟؟ .. وأنا قصدى أهينه على فكره
نورا1:
كنت عاوزه أبقى كويسه
هلمر1:
نعم ؟
نورا1:
وإدانى فرصه .. الستات غير الرجاله
هلمر1:
ودلوقتى خلاص .. مش عايزه تبقى كويسه؟؟؟
نورا1:
أظن خلاص .. كفايه على كده .. كل شئ وله حدود .. كمان
هلمر1: ...........
كمان أيه ؟
نورا1:
لا م اقدرش أأقولك .. مش حتستحمل
هلمر1:
جربينى
نورا1:
انا عارفه إنك مش هتقدر .. هتضربنى
هلمر1:
على فكره أنا معجون من عجينه تاينه .. مش زى م أنت فاكره
نورا1:
كويس أنك قلتها.. الكلمه كانت على لسانى .. خلاص بقى يا حبيبى إنت عجينه حتى فى اللحظات النادره اللى بتبقى ماسك نفسك برضوا عجينه .. م تقارنش نفسك بيه
هلمر1:
؟ يسعل سعالاً عصبياً - قصدك شخصيتى
نورا1:
ومين جاب سيره شخصيتك .. أنا وأنت عارفين كويس إن ما لكش شخصيه خالص .. أنا بأتكلم عن الحاجه اللى بتخلى كل التورفالدات رجاله .. فيه منكو الحاجه دى عنده عجينه .. وناس تانيه حديده .. ( هلمر يغلق عينه ينحنى للخلف ) مالك وشك قلب اصفر ليه كده مره واحده .. أعملك شاى
هلمر1:
أنا تعبان .. عندي خمس حالات لازم اشرحهم بما فيهم قتيله
نورا1:
هو مين اللى قاعد يقتل فى النسوان دى كلها .. متأكد انك مبتحلمش ؟
اجيبلك طاسه الخضه
هلمر1:
يقاوم الدموع - مش عارف .. فيرونيكا دايماً كانت بتشتمنى علشان م بفكرش غير فى السكس .. مش عارف .. مش عارف
نورا1:
المسأله مش بتفكر فيه ولا لا .. المسأله تقدر تدى إيه لما يجيى وقت الجد .. لما تفكر كتير تتعب ومتقدرش تدى
هلمر1:
يمسح دوعه بكم بدلته-كفاية .. ارجوكي
نورا1:
تورفالد م كانش بيفكر إلا فى انه صاحب مرض وموت .. عمره م حاول يدهشينى او يأثر فيا .. كتير قوى واحنا نايمين مع بعض كان بيقرا قاموس الأعراض المرضيه الكبير .. نقل ملكيه بتاعه ليا .. يمكن هو ده الحل
هلمر1: ..
كلكوا زى بعض .. مش مهم العلاقه .. حتى السكس مش مهم المهم السلطه .. التحكم
نورا1:
العجينه قوى فيكو هما اللى بيحاولوا دايما يركبونا.. انا مش فاهمه ازاى م تقدروش تفهموا الموضوع ده .. حتى الاذكيا
هلمر1:

يقوم- يمكن مفيش اذكيا
نورا1:
إإقعد يا نورفالد
هلمر1:
يمكن احنا عايشين فى عالم مش موجود
نورا1:
لأخر مره بقولك إإقعد يا نورفالد
هلمر1:
ينهار عللى المقعد- حاسس إنى بعفن
نورا1:
العفن طبيعى .. بتعفن علشان تغير وتجدد .. إنت نسيت كلامك إنت عايز تقف مطرحك على طول .. مش ممكن .. لازم نمشى مع التيار .. نعفن وقت العفن ونجدد وقت التجديد
هلمر1:
يلعن أبو كل الكلام
نورا1:
تورفالد .؟. إنت دكتور .. خلى بالك من كلامك
هلمر:
يقوم-على فكره ممكن تنامى مع نفسك علشان أنا مش ح نام معاكى مش علشان انا عجينه .. لا .. أنا مش عايز .. إنت مقرفه خصوصاً ... حاله التفوق الانثوى اللى إنت عايشاها
نورا1:
إنت بقيت متخلف وبدائى وهمجى
هلمر1:
الهمجيه والتخلف هما الطريق الوحيده عشان أعرف أعيش وسط نسوان نجسه
نورا1:
إنت ليه دايماً تبقى عديم الذوق؟
هلمر1:
أنا كنت حاسس إن أنا عجينه .. لان عقلى بقى كده أكيد .. كنت فاكر ان إحنا بناقش إتفاق سلام بين إتنين من الناس اللى عملوا غلطات فى حياتهم يمكن يخلقوا حاجه تنفعهم
نورا1:
بتتكلم عن إيه ؟
هلمر1:
عن الحب .. با بقره .. إفتحى قاموس الكلمات الجديده .. لو م كنتيش سمعت عنه
نورا1: ..
قصدك .. قاموس الإكلاشيهات .. إنت بتكرر نفسك
هلمر1:
أنا م بكررش نفسى فيه حاجات بتفضل على طول وبتكرر نفسها
اسف .. م أقدرش اديكى حاجه جديده .. بعد كل غلطاتى .. كل اللى أأقدر أأقدمه .. إحساس عجينه بالأمان
نورا1:
وايه اللى يخيلك تفكر أنى عاوزه الأمان؟؟؟

هلمر1:

الحاسه السادسه
نورا1:
أنت سرقت المسدس بتاعى
هلمر1:
ايوه .. متأسف ,.. عاوزه تستخدميه دلوقتى ؟
نورا1:
عملت بيه ايه ؟
هلمر1:
ضربت فيرونيكا بالنار
نورا1:
وبعدين ؟
هلمر1:
ولا قبلين .. إدت هدومى وقمصانى وشرباتى للهلال الاحمر وباعت عربيتى وأتبرعت بيها لأطفال أنجولا .. ولفت كرافتاتى على جدران الحمام .. قالتى إن إحنا عندنا حاجات زياده هى النسوان مش قادره تعرف هى عايزه إيه من دنيتها ليه ؟
نورا1:
وهما الرجاله عارفين ؟
هلمر1:
أناماشى .. أنا شخص غير مطلوب هنا .. أنا حاسس كأنى بازور الجبانه
نورا1:
إإقعد يا نورفالد
هلمر1:
أنا مش الكلب بتاعك
نورا1:
يمكن أنا عايزه ابقى الكلبه بتاعتك من تانى
هلمر1:
الكلبه م بتاكلش عجينه .. ولا عقارب .. ولا حيات
نورا1:
وعرفت كل دا منين .. من قاموس الكلمات الجديده .. تقدر تقدم أيه غير كده ؟
هلمر1:
قاموس الصمت الرهيب .. يسير متجهاً الى الباب
نورا1:
طيب ادينى مسدسى .. علشان أأقتل نفسى بيه
هلمر1:
يستدير - أأقدر أساعدك .. ( يسحب المسدس من جيبه يصوبه عليها ويطلق النار تقفز نورا وتمسك بصدرها وتسقط على الصوفا وتظل ساكنه بلا حراك ) أيه الحكايه ؟ ( ينحنى عليها ويهز راسها ) نورا كفايه كده ..إفتحى عنيكى وبصى عليا
ينظر للمسدس فى حيره ) مش ممكن .. لتكون حطت رصاص حقيقى .. كنت فاكرها بتهزر مفش جرح .. بطلى هزار ينحنى ويمسك يدها
نورا1:

( تقفز وتعانقه ) الله إمسكها بالجامد وحط ايدك كمان ( يضع يده على صدرها كأنه يتحسس تنفسها )
هلمر1:
يتجمد -.. أسف

نورا1:
كمان .. ارجوك .. زى م كنت بتعمل زمان .. اوعى تكون نسيت الشغل يا دكتور عجينه ...ح تشوف بسرعة ح خليك حديده
هلمر1:
بسرعه ازاى ؟
دى مسأله كرامه
نورا1:
صح كده .. ح نشوف حتبقى كرامتك اد ايه لما اخلص عليك
هلمر1:
م عرفش الحقيقه
نورا1:
يالا .. تعالى .. زى اول مره عرفتينى فيها .. مش شايف انا شرقانه ازاى إنت الوحيد اللى تقدر تغرقنى .. وتروينى ازاى الورد يرجع يطرح من تانى
هلمر1:
مش عارف
نورا1:
تسحب المسدس من يده وتوجهه نحوه- عمر حد إغتصبك قبل كده ؟
هلمر1:
لا
نورا1:
فاتك نص عمرك .. لكن ملحوقه

( إظلام )

Friday, April 13, 2007

نورانورا7

المشهد السابع

( ياتى هلمر1 من حجرة النوم مرتدياً ملابسه الداخليه ومعه قميص فى يده )
هلمر 1:
فين قمصانى ؟
نورا2:
( دون ان تقطع تمرين اليوجا ( م إنت ماسك واحد فى إيدك
هلمر1:
أنا لابس القميص دا بقالى يومين .. انا عندى 20 قميص ....كلهم فى الغساله؟؟؟
نورا2:
مفيش غساله
هلمر1:
يعنى أيه ؟
نورا2:
أتبرعت بيها للهلال الاحمر
هلمر1:
وهنغسل ازاى ؟
نورا2:
على الإيدين أو فى المغسله
هلمر1:
استنى هنا .. أنتى اتبرعتى بقمصانى للهلال الاحمر كمان؟
نورا2:
لا .. لرعايه الاطفال
هلمر1:
إيه ده أنتقام ؟
نورا2:
لا .. يا تورفالد .. انا عاوزه احطك على الارض احطنا ع الارض .. أنا كمان اتبرعت بدولابى وهدومى ومعنديش 1/10 من اللى كان عندى قبل كده
هلمر1:
إعملي م بدالك فى حاجاتك .. لكن على الاقل كان لازم تسألينى .. قبل ما تفضى دولابى
نورا2:
أنا عارفه كويس إنك تقبل الحاجه بعد م تخلص .. أمر واقعى
هلمر1:
محدش يقدر يفرض عليا أمر واقع .. خصوصاً فيما يتعلق بعدد قمصانى أو كرفاتاتى .. او جزمى .. او حتى كلوتتاتى
نورا2:
إنت معفن كده ليه ؟ مش قادر تفهم إنها مش مسأله كلوتتات... دى حاجه أعلى بكتير
هلمر1:
زى ايه يعنى؟؟؟ الهرم ؟
نورا2:
حياتنا بقت عامله زى مقلب الزباله لازم ننضفها ونبسطها
هلمر1:
أنا عارف إن أنت جالك مرض جديد
نورا2
تتوقف عن اداء تمرين اليوجا-إإقعد يا تور فالد
هلمر1
من غير قميص يجيلى برد
نورا2:
فى أيدك واحد

هلمر1:
ده بقالوا عندى خمس سنين .. أنا عاوز الابيض ابو خطوط زرقا
نورا2:
ربنا وحده اللى يعلم .. مين لابس القميص ده دلوقتى إقعد وإلا عمرك م هتعرف ايه اللي حصل
هلمر1:
يجلس على حافه الكرسى والقميص فى يده- أنا عارف ايه اللى بيحصل مرض خبيث اسمه تحكم النسوان فى الرجاله
نورا2:
دى غلطتك .. إنت متخلف كده ليه ؟
هلمر1:
عمر م حد يقدر يتهمنى بالتهمه دى
نورا2:
هى عادتك والا هتشتريها .. بارانويا .. فاكرنى بأتهمك .. أنا مجرد بقول حقايق
هلمر1:
خلصينى قولي اللى عاوزه تقوليه .. أنا بردان
نورا2:
تورفالد .. عدد كبير من الناس ادرك ان الرغبه المحمومه فى الامتلاك تعنى فقط العبوديه
هلمر1:
أنا مش عاوز امتلك حاجه .. انا عاوز قميص
نورا2:
عدد كبير من الناس ادركوا انهم تعبوا
هلمر1
دى مشكلتهم .. أنا مشتكتش
نورا2:
مش بس تعبوا .. دول انكسروا من الحمل التقيل اللي شايلينه من غير معنى .. مش قادرين يتمتعوا باللى بيقولوه لنفسهم علشان يجيبوه .. حتى مش قادرين ياخدوا اجازات سنويه
هلمر1:
اترجيتك وبست اديك خمس مرات نروح الغردقه وكل مره تقولى معنديش وقت
نورا2:
عدد كبير من الناس اختارت التخفيض الكبير ... حياه بسيطه ..بدون ضوضاء .. بدون زحام
هلمر1:
مش شايف ان إحنا لازم نشترك معاهم
.. وبالتأكيد مش على حساب قمصانى ..
نورا2:
لا مش على حسابها ولا على حساب أى حاجه اختفت من البيت ..
هلمر1:
ايه اختفى روخر
نورا2:
تقريباً كل حاجه
هلمر1:
يقوم - يبقى الاحسن أختفى أنا كمان
نورا2:
إإقعد واسمع
هلمر1: ...
أنا بردان
نورا2:
إلبس القميص وبطل تلعب بيه فى ايدك كأنه خرقه المواعين
هلمر1:
استنى .. إستنى .. إنتى قصدك إنك اتبرعتى بخرقه المواعين وحتستعملي قميصى خرقه تنشفى بيها المواعين
نورا2:
تورفالد
هلمر1:
وتلمعى بيها الجزم ... وتنفضى بيها الشبابيك
نورا2:
بطل تعمل عبيط .. ( تاخذ ورقه من على طاوله الكمبيوتر ) هقرالك حاجات لازم أعملها بالإضافه لشغلتى وبالإضافه لخدمتك خدمه العبد للسيد
هلمر1:
العبد للسيد؟؟؟
نورا2:
اسمع هبدأ ارسم بالوان ميه .. واشترك فىجمعيه الدراما وأتعلم القرايه السريعه .. وانضم لفرقه غنائيه وأحسن الفرنساوي وأكل أكل صحى .
وأعوم تلات مرات فى الاسبوع .. وامشى كل يوم خمسه كيلو واروح البحر مرتين فى الشهر .. وابدا فى زراعه البصل والفلفل والكرات وخلافه فى البلكون .. واجدد الهدوم بتاعتى او بالاحرى أقللها وابطل البس هدومى القديمه .. واسمع موسيقى كلاسيك وده رغم إنك بتكرهها
هلمر1: .
يلبس قميصه - دا جنان
نورا2
لسه مخلصتش .. وأأقل وزنى .. و اعمل تمارين علاجيه مره فى الاسبوع .. واقابل تلت رجاله جدد و كل يوم نتكلم فى الحياه .. وابص فى حياتى الجنسيه وأحاول احسنها واتخلى عن كل حاجه مش محتاجلها
هلمر1
أنا فعلا محتاج شويه هوا
نورا2:
بهستريا شديده - أنا عارفه ان دا جنان .. عشان كده قلت كفايه كده .. الواحد لازم يعيش باللى محتاجه محدش واخد منها حاجه
هلمر1:
تقابلى تلات رجاله جدد وتناكشى معاهم الحياه ؟
نورا2:
تورفالد .. إنت ليه دايما تفهمنى غلط
هلمر1:
يتحرك للباب- سبتيلى جاكته وجزمه ولا اروح الشغل بالشبشب ؟
نورا2:
وإنت من إمتى بتروح الشغل وانت لسه راجع منه؟
هلمر1:
أنا مش رايح الشغل .. أنا خارج .. الجو حلو .. ولا دا كمان إتلغى .. أنا هقابل تلات
نسوان اتمشى معاهم واناكشهم فى الجنينه
نورا2:
تورفالد
هلمر1:
يلعن ابوكى .. كنت قوليلي ايه اللى بياكلك .. كنت ح أحلك المشكله
نورا2: ..
تورفالد .. إنت عارف أنا قد ايه مرنه بطبيعتى وبأعمل حاجات كتير .. عشان ارضى الناس ومزعلهمش .. لكن الحقيقه ..مقدرش اخاطر أنى اقنعك علشان عارفاك غبى
هلمر1:
أنا م يفرقش معايا تعملي فى نفسك ايه .. لكن متقدريش تعملى كده فيا
نورا2
تناوله عمله معدنيه – خد
هلمر1:
أيه ده ؟
نورا2:
ربع جنيه مخروم تركب بيه الأتوبيس .
يعيد لها القطعه المعدينه-مش عاوز .. عندى عربيه
هلمر1:
متجها الى الباب وفجأه يستدير ببطء-لامش ممكن .. قولى انه محصلش

نورا2:
للاسف حصل .. بعتها النهارده الصبح .. بتمن معقول جداً
هلمر1:
والفلوس ؟
النص راح لاطفال انجولا .. (يرفع يده لضربها ) والنص التانى لجمعيه المطلقات
( تبتسم بلطف .. يخفض يده ببطء على الفوتاى )

(يبدافى البكاء .. تراقبه بمزيج من النشوه والشفقه)
هلمر1:
من خلال البكاء .. - تسمحيلى اسال سؤال ؟
نورا2:
طبعاً
هلمر1:
ليه بطلتى تشتغلى معايا ؟ استقلتى ليه ؟
نورا2:
عشان كنت محتاجه أستنشق عبير الحريه بشده
هلمر1:
قصدك الفرصه.. انك تقابلى رجاله لزاز فى الجنيه وتناكشيهم
نورا2:
الممرضه الخاصه ممكن تعمل خير كتير للبشريه .. عارف اد ايه عدد المرضى اللى محتاجين للرعايه .. ومش لقينها .. أنت كمان .. ممكن تفتح عياده فى منطقه شعبيه ويسعر معقول .. الحقيقه أنا مش قادره أفهم .. أنت إيه اللى رابطك بالجتت دى
هلمر1: ..
ايوه .. أاقدر لو كنت راجل
نورا2:
م أنت راجل
هلمر1:
كنت
نورا2:
وأنت ايه دلوقتى ؟
هلمر1:
مش عارف .. أنا حاسس إني راس كرنيه معفنه
صح أنت شبهها باظبط .. خد ( تعطيه منديل ) امسح مناخيرك اصل انا اديت مناديلك لمعونه الشتا .. وخلتلك ده انا كنت عارفه أنك حتحتاجه .

(اظــلام )

المشهد الثامن

( نورا 1تجلس على الصوفا تقرا كتاب .. على الطاوله زجاجة ويسكى نص فارغه وكوب به بعض الويسكى .. نورا 2تجلس على الكمبيوتر تتصفح الإيميل .. تلتقط الموبايل وتطلب رقم )
نورا2:
ألو صباح الخير .. انا جانى أميل بيقول انكو بتدورا على ممرضه .. ممكن تقولى
تكتب معلومات على ورقه ) مفيش مشاكل كبيره .. ممكن .. إلا انه مبيقدرش يمسك نفسه ايه بالضبط ؟ التقيله .. كام مره ؟ كل خمس دقايق طبعاً .. كترخيره .. كام سنه ؟ 95 سنه .. كتر خيره قوى الحقيقه انا اسفه .. اصلي مشغوله اليومين دول لا مش الحكايه دى خالص .. الموضوع وما فيه( تضرب الطاوله بالقلم)
مين كان بياخد باله منه قبل كده ؟ عمل ايه ؟ حط دراعه تحت جونلتها .. لا .. معندهاش حق .. لا .. مفتكرش انها مشيت علشان كده .. اظن انبسطت
متفهمنيش غلط .. أعتقد انها مشيت عشان فهمت انها مؤهله لشغلانه اهم من انها تمسح المقعده بتاعة روميو العجوز .
أيوه ؟ ( تضع الموبايل على الطاوله .. تستجمع جماع شجاعتها وتبدأ فى كتابه إيميل ) تورفالد .. ارجع ليا انا عاوزه ارجعلك ..ارجع لترابيزه التشريح .. عزيزى تورفالد ( تمسح وتبدأ من جديد ) حبيبى الغالى تورفالد .. ( تكمل الكتابه .. يرن الموبايل بالقرب من نورا 1 على الصوفاتلتقطه)
نورا1:
ألو .. حبيبى الغالى .. إنت كويس ؟ .. ازاى تقول كده ؟.
انا برضة م بزوركش يا روحى .. ما انا كنت عندك الاسبوع اللى فات .. طيب .. طيب من اسبوعين .
لاقوا عندك ايه .. التهاب فى الغشاء المبطن للاذين الأيسر أنت اللى شخصت بنفسك وأنت بتلف فى الشقه الاستوديو بتاعك .. برافو .. وحاسس بايه ؟ تعبان على طول كويس قوى .. مش قصدى .. قصدى يا تورفالد إن الواحد لما يبقى تعبان على طول .. يبقى عارف حالته .. مفيش تقلبات .. يعنى .. يعنى الحاله مستقره .. يعنى تقدر تقول انك حتعيش فى بؤس لمده خمسين سنه جايين( تشعل سيجارة وتقوم تتحرك) )
أيوه يا نورفالد .. مستعده أسمع اخبار مش كويسه .. أنت اجعص ما عندك ..؟ ! إن مفيش اخبار خالص .. الممرضه قالت مش جايه تانى مش مشكله ح تلاقى واحده تانيه
تتوقف امام الطاوله وتشرب من كوب الويسكى " لا مش مشكله خالص.. العرض اكتر من الطلب 3 : 1 "
بتقول مشيت ليه ؟ إنت عملت ايه ؟ حاولت تخنقها ؟ ليه يا تور فالد يا حبيبى ؟ طلبت منها تخليك تحط صوابعك على رقبتها ( تصب لنفسها المزيد من الويسكى ) ايوه عارفه انك مقدرتش تحنق نورا الاقدم بس دا مش معناه انك تقدر تخنق البشريه .. إنت مجنون ؟
لا يا تورفالد معندكش اى حق تخنق النسوان التانييين . هنا الموضوع مختلف.. اوعى تكون إنت والممرضه .. متأكد .. طيب انا مصدقاك .. ايوه حلاقى واحده تانيه متقلقش ... ( تضع الموبايل على الصوفا )
طيب يا شاطره ... نفس عميق ( تأخذ نفسأ عميقأ)احمدي الله واشكرى ربنا انك نفدتى بجلدك (تشبك يدها على صدرها ) الحمد لله .. والشكر ليك يا رب
تجلس على الفوتاى .. تلتقط مجلة للأعلانات وتتصفح الإعلانات .. تلتقط الموبايل تطلب رقم .. يرن موبايل نورا 2 .. ترد الاخيره
نورا1:
صباح الخير عليكى
أنا قريت إعلان إنك ممرضه خصوصى
نورا2:
ممكن جدا
نورا1:ً
يعنى أيه ممكن جداً ؟ الإعلان بيقول كل أنواع الأمراض ماعدا الايدز وجنون البقر
نورا2:
وعندك ايه منهم ؟
(نورا1 تهم بالاجابه.. تتراجع وتغلق الموبايل .. وتلتقط مجله الاعلانات تبدأ من جديد )
أيه اللى حصل لي ؟ .. ايه اللى حصل لي ( تضع الموبايل وتعاود كتابه الإيميل ) أنا عارفه ان الإيميل ده حيفاجئك
( لا تستطيع التركيز .. تلتقط الموبايل وتطلب نورا 1 .. يرن تليفون نورا 1 .. تتفحص الرقم .. تتجاهله... ثم تقبل المكالمه )
ألو
نورا2-(تدعى المرح ) اعتقد سوء تفاهم
نورا1:
حقيقى ؟ إنت مين ؟
نورا2:
أنا الممرضه الخصوصي
نورا1:
أنا مش عيانه
نورا2:
أنا عارفه بس عندك حد عيان .. مش لسه كنا بنتكلم ؟

نورا1:
قصدك كنت باسألك على الشغل .. اصل مفيش بنا كلام
نورا2:
تقرر اغلاق الموبايل ثم تغير رايها ) حقيقى .. انااسفه اصل تعليمى مش عالي
نورا1: ..
واطى؟
نورا2:
محدود ( لنفسها ) أنا ليه بعمل فى نفسى كده ؟
نورا1:
وانا بتاعى مش واسع قوى
نورا2:
مش ممكن أقول كده خالص .. باين عليكي مثقفه ملتزمه كأنك مدرسه (لنفسها )ايه اللى بيحصل لى النهارده (للموبايل) مش قصدي حاجه وحشه لا سمح الله .. اصل انا مهمله شويه
نورا1:
دا مش حلو خالص فىشغلانه زى شغلانتك
نورا2:
عندك حق
نورا1:
ممكن جداً تدى العيان دوا غلط
نورا2:
أنا عندى خبره وشهادات من مستشفيات تعليميه كنت
بشتغل فيها
نورا1:
بس دلوقتى م بتشتغليش ؟
نورا2:
أيوه مش بشكل مهنى
نورا1:
امال ايه؟ بشكل تاني
نورا2:.....
مش بشكل تانى .. ممكن أسأل انتى بتشتغلي ايه ؟
نورا1:
أنا ؟ وعاوزه تعرفى ليه ؟
نورا2:
مش دايماً بلاقى نفسي بأتكلم مع حد بيحسسنى إن عندنا كتير ممكن نقوله لبعض
نورا1:
إنت بتنافقينى وتمسحيلى جوخ علشان تاخدي الشغلانه ؟
نورا2:
تمسك نفسها - أبداً .. انا باقصد اللى قلته .. عادة كل اللى حواليا رجاله عيانين .. لو اقدر كنت نسفتهم كلهم
نورا1:
كلام قاسى قوى
نورا2:
واضح ان تجربتك مختلفه عنى
نورا1:
تقصدى مع الرجاله ؟ ( تضحك ) تجربتى مع الرجاله ممكن تنسفك لو سمعتيها ؟
نورا2:
يبقى فيه بينا حاجات كتير مشتركه
نورا1:
إحنا الإتنين حوالينا مرضى .. مش قصدك كده ؟ أسفه عارفه إنى كده بأظلمك .. بس ده يوم معفن مش عارفه اعمل إيه ولا اروح فين

نورا2:
ولا أنا .. إنهارده بس عرفت إن أأمن طريق إن الواحد يرجع مطرح م كان
نورا1:
ترجعى للرجاله ؟ بلاش
نورا2:
بلاش ؟ ليه ؟
نورا1:
الرجاله دايمأً عايزنا نرجع لنقطه البدايه .. عمرهم م يكونوا متأكدين إنهم لووا رقبتنا كفايه علشان كده .. يبقوا عاوزين يبتدوا من الأول
نورا2:
مش إحنا اللى بنساعدهم يعملوا كده ؟
نورا1:
أيوه .. للأسف
نورا2:
علشان خايفين نفضل لوحدنا
نورا1:
انا لوحدى
نورا2:
وأنا كمان دلوقتى
نورا1:
وإيه شعورك ؟
نورا2:
أفضل يكون معايا راجل حتى لو أهانى
نورا1: .
مالك عامله زى الوليه اللى ضناها لسه ميت
نورا2: !
الأمومه فى طبعنا .. مش كده .. وفى احيان كتير بتحنى ليها
نورا1:
أيوه ..نحن نبقى أمهات أولادنا .. اللرجاله مبيحبوش ست تتبناهم .. بيكبروا ويسيبوها .. إلا لو طردتهم .. عندك أولاد ؟
نورا2:
الرجاله هما الأولاد فى حياتى
نورا1:
أهلا بيكى فى وطن شهداء الحب .. كلنا بنضحى بأنفسنا عشان ندى الرجاله دور البطوله .. إتفضلى يا حبيبتى .. قررى قودينى الى النور واربحي جائزه
نورا2:
فى الحقيقه
نورا1:
إيه
نورا2:
وأيه الغلط فى كده ؟ مش كل العساكر بيترقوا لواءات
نورا1:
اكيد بتهذرى
نورا2:
ابداً .. بأسأل .. باين عليكى أكبر .. وأعقل .. إقنيعينى
نورا1:
إحنا دايما بنديهم دور البطوله علشان بنحب الامكانيات اللى فيهم وم بنحبهمش هما .. بنحب اللى ممكن يبقوه
نورا2: ..
دا شيئ نبيل .. مش كده ؟



نورا1
دا اللى بيقولوه لينا دايماً .. علشان نغلط مره ثانيه .. وبنغلط بالرغم من امكانياتنا وقدراتنا ومواهبنا اللي بنحطها ونخبيها فى المخزن علشان م يهدهووش راخر
نورا2:
بس إفرضي معندناش مواهب ولا قدرات ولا إمكانيات ؟
نورا1:
الله .. إنت مع مين ؟
نورا2:
ليه .. لازم علاقتنا مع الرجاله تبقى معركه ؟
نورا1:
علشان هى كده .. مفروضه علينا كده .. نخسر بقى ونستسلم . ونعمل غلطه جديده ؟ عمرك وريتى الرجاله بتوعك العين الحمرا اللى كنتى بتوريها للعيانين بتوعك ؟
نورا2:
أعتقد يمكن اكتر .. للأسف
نورا1:
مش ممكن .. كل م نعوز حاجه م الرجاله بنعمل نفسنا بنانيت صغيره ولما تزعل نعمل إننا إتخرجنا .. كل ده عشان تملى الفارس الشهم يركب حصانه الابيض ويجيى ينقذنا .. ينقذنا وينقذ املاكه اللى هى إحنا زى ما هو فاكر
نورا2: ..
بس لو كانت المسائل بسيطه بالشكل ده
نورا1:
هى كده .. لكن الرجاله مكارين .. لدرجه إنهم بيخنقونا بالريموت
نورا2:
متخديش الموضوع بشكل شخصى .. بس كلامك كأنه طالع من الكتب بتاعت الحركات النسوانيه .. استنى عليا .. اعتقد إنى قريت حاجه زى كده فى مجله المرأه
بالضبط
نورا1:
افندم؟؟
نورا2:
........لا .. ولا حاجه .. هو إحنا دخلنا فى السكه دى ليه ؟

أيوه .. إنت طلبتينى علشان عايزه ممرضه
نورا1:
مش عشانى .. عشان الراجل القديم .. فى الحقيقه .. مش عارفه .. اذا كان الاحسن اسيبه يموت
نورا2: ..
حالته مستعصيه ؟
نورا1:
متقدريش تتخيلى
نورا2:
أشك ف كده
نورا1:
فاكر إنه بيموت من ألف مرض ومرض .. بيقيس حرارته وضغطه ويعد النبض والسكر فى الدم وبيعمل تحليل دم وبول وبراز كامل وكولسترول وأحماض دهنيه وتراى جليسرايد وكل اللى نفسك فيه كل نص ساعه .. مشلول من فكره إن الموت حيدق بابه .. بالأمانه انا مش محرجه لدرجه إنى احطك فى حاله بالشكل ده
نورا2: ..
متقلقيش .. فى الحقيقه انا عارفه المرض ده كويس .. كنت عايشه مع راجل بالشكل ده
نورا1:
مستحيل ... انا كنت فاكره إنه ملوش زى
.. كنت حاسه إنى عايشه مع رمه

نورا2:
وأنا كمان .. كنت حاسه بكده ... والالعن إنى كنت بأشتغل مساعده طبيب شرعى فى مشرحه؟؟؟؟؟؟؟؟؟


نورا1:
( صمت طويل ) آلو ؟ .. إنت هنا ؟
( محاوله استجماع نفسها - أيوه .. أيوه .. كبيت شويه نبيد على السجاده... إف يلعن ابو كده .. أسفه ( تحاول بيد مرتجفه ان تشعل سيجاره )

نورا2:
طب حنعمل ايه ؟ انا فاضيه .. ممكن أبتدى من بكره لو حبيتى 20 جنيه فى الساعه كويس
نورا1:
اسمعى .. إحنا إتكلمنا وأنبسطنا .. أنا عاوزه ابقى واضحه معاكي الممرضه اللى فاتت هربت منه علشان حاول يخنقها
نورا2:
أأقدر البس رقبه
نورا1:
دا إنتى واقعه بقى
نورا2:
م إنت عارفه الناس اللى علي دراعهم عيشتهم إزاى... كل اللى بيجى كويس .. حاجه واحده بس اللى تخلينى أبعد إيه اخبار عضلات القبض ؟
نورا1:
عضلات القبض ؟
نورا2:
إيه أخبار الشخاخ معاه ؟ يبعرف يمسك نفسه
نورا1:
( تضحك ) النصيبه... تصورى .. افتكرت إنك بتتكلميى بالنحوى .. وحتدينى كلمه من قاموس الكلمات الجديده فى العضل .. عضلات القبض .. طبعاً عرفاها كويس .. لامفيش مشاكل ارتحتى
نورا2:
إنت كمان عندك قاموس الكلمات الجديده
نورا1:
طبعاً .. ليه ؟
نورا2:
باين عليه ماشى قوى
نورا1:
باين كده .. بس ممكن يكون مش صح قوى .. المهم لازم احذرك من حاجه
نورا2:
إيه هي ؟
نورا1:
العيان اللى حتخدى بالك منه عايش فى شقه إستوديو .. اجرتهاله علشان مش قادره استحمل اعيش معاه اكثر من كده .. بتكلفنى كتير وربنا العالم حدفع الديون اللى عليا ازاي .. لكن هو فاكر إن الاستوديو دا جزء من مستشفى خصوصى جديد ... فاكر كمان انه بيموت أأقدر اعتمد عليكى تخليه فاكر كده .. وتفهميه إن رجوعه للبيت خطر عليه
نورا2:
طبعاً .. لو دا اللى انت عايزاه
نورا1:
تحبى أديكى التفاصيل ؟
نورا2:
ممكن تبعتهالي على الإيميل .. خلينا نتصل ببعض بالإيميل انت عندك إميل مش كده
نورا1:
طبعاً .. عنوانك فيرونيكاآت هوت ميل دوت كوم

نورا2:
وعرفتى إزاى أن اسمي فيرونيكا؟؟؟
نورا1:
عرفت إزاى ؟ سؤال وجيه ؟ خمنت .. لا الكدب خيبه إنتى كاتبه كده فى الإعلان
نورا2:
أه .. عندك حق .. بس أنا مش فيرونيكا .. أنا نورا
نورا1:
مش ممكن؟؟
نورا2:
عارفه الفيلم؟؟؟
نورا1:
م بروحش سيما خالص .. الروايات القديمه ديه بتقرفنى حاجه ديموديه خالص
نورا2:
طب خدى عندك حاجه تانيه .. الراجل اللى كنت عايشه معاه اسمه تورفالد
نورا1:
حاجه رومانسيه خالص .. سلميى عليه لما تشوفيه
نورا2:
أشك فإنى حاشوفه تانى .. مش تورفالد ده أبداً
نورا1:
الدنيا فيها العجب .. حاجه أخيره .. عارفه الرقبه اللى قولتى هتلبيسيها فكره هايله ..
تغلق الموبايل
وتضعه على طاوله القهوه وتجلس على الصوفا وترفع كوب الويسكى نخب فى نفسها - بالضبط فى الجون ( نورا 2تعود للرساله ) حبيبى الغالى تورفالد .. لأ .. حبيبى الوحيد .. لا .. إسمع إنت .. لا .. لو عايز تاخدنى فى حنانك تانى أنا هحاول ( صمت وتنظر الى الفراغ ) ماشى .. أنا غلطت وفيها ايه ؟


Tuesday, April 03, 2007

نورا نورا 6

( هلمر2 ممدد على الصوفا فى الروب المعتاد فى فمه ترمومتر
نورا 2 خلف الفوتاى تقوم بتمرينات تأمل (يوجا)

هلمر2:( ينظر فى الترمومتر ) يا ربى .. ( يعيد الترمومتر الى فمه نورا 1 تاتى من المطبخ ومعها كوب عصير جزر وتضعه على الطاوله )
نورا1:علشان تبطل تقيس الحراره كل نص ساعه
هلمر2:( يسحب الترومتر من فمه ) حاسس انى بأغلى .. سخن جداً
42 درجة على الأقل
نورا1:( تسحب الترمومتر وتنظر ) 35 إنت مثلج مش سخن
هلمر2:فيه حاجه غلط . يا فيا .. يا فى الترمومتر .. جربيه وحياتى
نورا1:( نورا تعيد له الترمومتر ) حرارتى 100%
هلمر2:أنا عاوز أعرف
نورا1:متجبرنيش يا نورفالد .. لو اجبرتنى حرارتى حتفضل ترتفع ومش حتقدر تعرف الترمومتر صح ولا غلط
هلمر2:ماشى .. طيب
نورا1:كمان مش مهم الحراره .... لان بكره انت رايح المستشفى اللى حيراقبوا حالتك 24 ساعه فى الـ24 ساعه وهيدوك تقرير كل ساعه عن حالة الجسم
( تبدأ فى طلاء اظافرها )
هلمر2:انا مش متأكد إن دى فكره حلوه
نورا1:لازم تجرب علشان تعرف
هلمر2:أنا خايف
نورا1:خايف من إيه .. دول هيساعدوك
هلمر2:أنا مش عايز مساعده
نورا1:طبعاً .. أنت محتاج .. أنت قلتلى كده لما كلمتك بالغلط قلت انا عايز مساعده
هلمر2:أنا عايز مساعدتك أنت
نورا1:أنا عملت اللى أأقدر عليه ومعاه 20% بونس .. بس خلاص مقدرش رسمياً أكتر من كده .. حقيقى إنك ساعدتنى
أكتر بكتير لكن هى الدنيا كده .. دايما غالب ومغلوب .. ظالم ومظلوم
هلمر2:حقيقى أنا ساعدتك؟
نورا1:طبعاً .. ساعدتنى اصطاد العصافير اللى كانت سارحة فى دماغى
هلمر2:يا بختك
نورا1:يا بختى ؟ يا بختك أنت .. ده .. أنت تقدر تغلب 100 مرض ملهوش حل .. كان لازم اوديك لمعمل الأبحاث فى كليه الطب بدل ما ارتبلك المستشفى الخصوصى
هلمر2:الغريب إن المستشفى دى .. مبعتره قوى
نورا1:قصدك اليه ؟
هلمر2:إنتي عاوزه تخلصى منى ؟
نورا1:تورفالد بعد كل اللى عملته علشانك .. وكل اللى حعمله كمان كلامك ده مش حلو .. ده بقليلوا يا حبيبى
هلمر2:مين اللى حيدفع كل المصاريف دى ؟
نورا1:الدوله .. ما أنت عندك تأمين صحى
هلمر2:الدولة .. من إمتى بقت سخيه كده ؟
نورا1:ليه ! هو إنت مش عيان قوى ؟ دا أنت حتى تستحق تتعالج فى الخارج على نفقه الدوله
هلمر2:لأ ...
نورا1:صدقنى يا تورفالد .. حالتك خطيره جداً
هلمر2:طب إفرضي مش خطيرة قوى !
نورا1:( تزفر ) اسمع .. متوجعش قلبى .. لو فضلت تزن كده حخرج مش حتشوف وشى تانى .. فاهم ؟
هلمر2:حتيجى تزورينى ؟
نورا1:حتترجانى أأقل زيارتى
هلمر2:وإنت حتعملى ايه ؟
نورا1:بتسأل ليه ؟
هلمر2:بأسألك .. اصلك بتحطى مانيكير ؟
نورا1:م أنا قلت لك كنت بتاعه مانيكير .. كوافيره متعملش نفسك مش عارف
هلمر2:عمرك ما حطيتى مانيكير من ساعه م إتقابلنا
نورا1:صح .. معاك أهملت نفسى بسببك .. إنت مثال سئ
هلمر2:إنتى ناويه ترجعى البيزنس بتاعك؟
نورا1:مكنش بيزنس .. أنا كنت حره نفسى .. زيك كده
هلمر2:زيى ؟
نورا1:أيوه .. م أنت حر نفسك .. علشان أنا مش شايفاك موظف فى أيتها حاجه
هلمر2:أنا تعبان قوى
نورا1:وأنا كمان .. خلينا بقى ننسى اللى فات
هلمر2:طيب .. حتعملى إيه؟
نورا1:لو سمحت م تفسدش بظنونك أخر لحظات لينا مع بعض
هلمر2:لما تسلمينى للمحترفين .. وخصوصاً وإنتى بتحطى مانيكير
نورا1:حقيقى عايز تعرف حشتغل مغرقاتيه
هلمر2:دى من كلمات القاموس الجديد ؟
نورا1:أبداَ .. دى أجدد منه
هلمر2:وح تغرقى إيه ؟
نورا1:أرض شراقى .. غيطان .. صحارى .. عارف عادم العربيات عمل إيه فى المناخ . لما تقف المطره .. حغرق الاراضى الشرقانه وأحييها من جديد ...
هلمر2:عمل عظيم
نورا1:وشاعرى .. هعمل برك وبحيرات مليانه أهات وامواج ومرايا تشوف النجوم فيها نفسها وتحب روحها .. والقمر بالليل يناغى وليفه والعالم عنده كوابيسه
هلمر2:العالم وأنا
نورا1:العالم وأنت .. مخلوقان عظيمان مهما عانينا من مخلوقات ربنا
هلمر2:تفتكرى انا هموت فى الشقه الاستوديو دى ؟
نورا1:عندى لك خبر وحش يا تورفالد .. مش حتموت. قدر بعض الناس إنهم ما يموتوش .. لكن يفضلوا بيموتوا على طول
هلمر2:أنا عاوز مساج
نورا1:مقدرش يا تورفالد .. إتمنى أنى م عملش مساج لحد لمده 1000 سنه .. مفاصل صوابعى جالها روماتيزم وتيبس
هلمر2:ما أنا عندى رماتيزم وتيبس يجى من 10 سنين
نورا1:بالضبط يا تورفالد .. قريب قوى كنت حبقى زيك .. انام مسطحه وباطلع فى الروح .. طبعاً أنا نفسى جداً انام كده ,.. لكن لاسباب تانيه خالص
هلمر2:واضح إنك م بتضيعيش وقت
نورا1:الموضوع مش سهل .. بعد الحياه مع رمه مبقاش عندى اختيارات كتير
هلمر2:اكيد مستنى ع الناصيه وأقبل م امشى يطلع هو
نورا1:الغيره مش لايقه عليك .. الغيره بتاعة الاحياء .. والحياه ضدك على طول الخط
هلمر2:مش عارف أأقول إيه ؟
نورا1:م تقولش أحسن .. فكر فى حبالك الصوتيه .. سرطان الحنجره مش لذيذ .. احسن تروح تلبس الناس هتوصل بعد 10 دقايق
هلمر2:ولو رفضت أمشى
نورا1:لا عادى جداً .. 4 رجاله عتاوله حيشيلوك هيلا بيلا ويرموك فى العربيه ويطلعوك بره .. مش للمستشفى .. لجهه غير معلومه
هلمر2:بتطردينى بالعافية ( يجلس ببطء ) .
نورا1:إيه رايك فى ضوافري ؟
هلمر2:( يقوم ويتحرك الى حجره النوم سانداً ظهره ) كان لازم اعرف ان الموضوع هيخلص على كده