Thursday, February 01, 2007

خليك سعيد


سيناريو قمت بكتاباته بالمشاركة مع الاخ الفنان الصديق العزيز الاستاذ محمد حسان المخرج و السيناريست و الكاتب المصري المتميز...كان هذا عام 2000 وكنا نأمل ان ننتجه سويا و نخرجه الى النور عن طريق الديجيتال
لم يتحقق الامل
ولكن مازلنا نأمل في مشاريع جديدة
سأقوم بوضع المشاهد بشكل متوالي الى حين الانتهاء من السيناريو
التعليق مفتوح طبعا
وانا على الاقل على استعداد لسماع كل التعليقات...السيناريو مكتوب بالطريقة الفرنسية حيث توالي الصوت والصورة وليس بالطريقة المعتادة
خالص التحيات لجميع الاصدقاء
وارجو المعذرة ان اتعبكم

خليك سعيد

ما قبل التتر

لقطات لوصول الدكتور

من المطار ونزوله من التاكسي

سيدتان عجوزان تنظران

من خلف الشيش

عدد مختلف من عدد التليفونات


والموبيلات والايميل والشبابيك
والبلكونات مع أصوات متعددة لنساء

ورجال: وصل وصل

الدكتور وصل

صوت رصين لمعلق :

ها قد وصل الدكتور من أمريكا ليفتح عيادته المجمعة

فى أحد الاحياء الشعبية بين البسطاء الذين تربى على حبهم

(لقطات من الحارة المصرية من فيلم ارض الابطال..... مع لافته أصلية من الفيلم القاهرة 1946)

يتم استبدال اللافتة باخرى..الاسكندرية 2002...

موسيقى شعبية اصيلة

صوت المعلق: عاد من امريكا ليرفض الزواج من ابنة الباشا المستهترة

يلتفت الدكتور نحو الكاميرا

مين اللى بيتكلم ده

من ركن الكادر يظهر المعلق مبتسما: انا المعلق على احداث الفيلم سعادتك

الدكتور غاضبا : انت بتكلم عن مين دلوقتى

المعلق :عن سعادتك..... سعادتك

الدكتور غاضبا: اولا انا مش طبيب ولا هافتح عيادة ومضطر اسكن هنا لان مافيش حتة تلمنى وثالثا واخيرا انا مارفضتش الجواز من حد

المذيع: فين ثانيا

الدكتور: سوري انا جاى من هولاندا

المذيع غاضبا ملوحا بالورق فى يده : ده سناريو يا استاذ مشجايبو من عند امى

الدكتوريزيحه خارج الكادر

المعلق : والله مانا شغال فى الفيلم ده ......انا هاروح الفضائيات

الدكتور يستكمل صعوده السلم ويقف امام باب شقة قديمة.

قطع

فوتومونتاج غنائي

ويتضمنه التتر

- فصل دراسى به فتاة سمراء جمالها خاطف

- الطلاب هم فى الحقيقة موظفون . بينهم الدكتور يشرح درسا فى الكومبيوتر

- نظرات اعجاب متبادلة بين الدكتور والفتاة

- الفتاة(اشا) تطلب درسا خاصا من الدكتور

- أفيهات قديمةكارتون .( زيزى.. لما بتشوف بطوط دايماً عينها بتعمل كليك كليك.) إستخدام أفيهات بصرية وتمثيلية من السينما القديمة.. آه.. محمد أفندى.. دكتور أنت حكيم عيون

- ترسل له ايميل عندما يفتحه تظهر وردة حمراء

- ورقة دعوة زواج ( الاستاذ والتلميذة)

- خناقة بين العائلتين تنتهى بهروبهما معاالى شقة خالية من الاثاث

- نهاية التترات

م1 عصر\ داخلى

صالة الشقة

صوت المعلق: ومرت الثوانى والدقائق

والساعات والايام والاسابيع والسنون والاعوام والدهور والقرون

وراحت السكرة وجاءت الفكرة

( يظهر بوجهه فى الصالة): على فكرة انا مش فى الفيلم ده بس جاى اقول بقين محبة

(صوت اشا قادما من احدي الحجرات): دكتور ومابتعالجنيش

صوت الدكتور : اعالجك من ايه؟

يلتفت المعلق نحو مصدر الصوت ويفر هاربا: استأجز انا

اشا : ماتقاطعنيش.... ولا ليك صحاب يعالجونى

الدكتور : انا دكتور لوجيك.... منطق الكومبيوتر

اشا : خدنا ايه من ده كله... لا عفش ولا اكل

( تغير نبرة صوتها للرقة) ولا حمل وبقالنا شهور طويلة متجوزين

الدكتور ( مبتسما): هو انا قصرت؟ تتغير لغتها للملاطفة

اشا : ولا حتى صندوق.. انا عايزة صندوق يا دكتورتى

يخرج الدكتور جيبيه ويظهران فارغين علامات الاحباط علىوجهيهما

قطع

م2

فوتو مونتاج

صندوق نوبى ملون قديم فى فاترينة محل عاديات مستعملة

وجه اشا مبتسمة تشير للصندوق من خلف الزجاج

وجه الدكتور مرهقا

اشا والدكتور يحملان الصندوق سائرين فى شوارع الاسكندرية

اشا تجمع الملابس من الكراتين الفارغة ومن فوق الشماعة

الدكتور ينظف الصندوق من الداخل...ترتطم يده بشئ

- يخرج قطعة معدنية لامعة من داخل الصنوق لحظة ظهور اشا

- اشا فرحة

- الدكتور يتأمل متسائلا

- يندفع الدكتور خارجا

- اشا تنظر له ملوحة بيدها بين الخوف والرجاء....ودمعة تفر من عينها

قطع

-

- م3 ليل\خارجى\داخلى

العطارين

- الدكتور يسير فى الشارع

- .. كل المحلات مغلقة..

- محل وحيد مفتوح من الخارج تبدو لافتة الوانها حائلة مكتوب عليها

- (سينما التتويج)

- المحل معتم

- يقترب الدكتور من الباب ويتردد ثم يتشجع ويدخل

قطع

م4 ليل \ داخلى

محل فاروق للالات السينمائية المستعملة

المحل ضيق جدا ومعتم به الات وكراكيب تبدو فوضوية ولكن بها شكل ما من الترتيب

عم فاروق خمسينى العمر جالس فوق كرسيه يلتفت مبتسما للدكتور : تشرب شاى.؟

يبتسم فاروق بود..تزداد اضاءة المحل بسحرية وتضاء بعض الالات المعدنية حوله.

فاروق: أنا عندى بن يمنى...كابتشينو.؟.

أصب لك حاجة ساقعة.. هوه البن أحسن حاجة حاجة ساقعة.؟.. أبيض و لا أسود؟

الدكتور: أنا جاى....

فاروق: أنت جاى فى إيه.؟ ورايح فى أيه يا عم أقعد.. أشرب بن

الدكتور:طيب ياحاج

الدكتور يجلس فوق صندوق صغير قديم فاروق يأخذ الكتكتة..

فاروق: قهوتك ايه؟ ( يلتفت له).. فيه. أيه.. أنت عايز أيه

الدكتور: أنا جاى أشرب قهوة معاك. عاوز أبيع دى(يخرج الدكتور طرف القطعة المعدنية )

يلمح فاروق طرف القطعة المعدنية الخارجة من جيب الدكتور

فاروق بفرح طفولى ودهشة: ده برس 9.5...لقيته فين ده؟

الدكتور: هاتشتريه؟

فاروق:هات هات دا انا مستنيه من 40 سنه

يتلقفه فاروق فرحا ويمسحه بيده: ياه برس فرنساوي 9.5مكنتش فاكر انى هاشوفه تانى

الدكتور: يعنى ايه برس 9.5 الة رياضية؟

فاروق: فاكرنى حازم إمام.. أنت أهلاوى والازملكاوى .

الدكتور: أنا باشجع فاينورد روتر ردام إيه يا حاج الحكاية؟

فاروق:.. أنت بتشتغل إيه ؟

الدكتور:. أنا معايا دكتوراه فى الطبيعة

يتناول فاروق لمبة صغيرة: تعرف تركب اللمبة. دى؟.

الدكتور:ياحاج؟.

فاروق: شوف يا سيدى ده.. برس فرنساوي 9.5

الدكتور: ارحمنى.. كفاية تسعة ونص

فاروق: بلاش 9.5.. عاوز 35.. على طول كده جايب 9.5 وعاوز تدخل بـ 35 ده شغل محترفين.. كل ده مر عليا..ده سيما يا دكتور

الدكتور ( بسخرية):ده إيه بقى.. ده اللى بيصور؟

فاروق:لا ده اللى يقطع لك الفيلم ويلزقه أنت يا بنى

والله فيك شئ لله.. كمبيوتر وتخبى عليا.

يدفع فاروق الحائط خلفه فيظهر مخزن وكأنه أرشيف او متحف سينمائى

قطع

م5 ليل\داخلى

مخزن فاروق المتسع

استعراض للكاميرات والافلام والصور والملفات القديمة

مع شرح من فاروق كاميرات متنوعة افلام مختلفة المقاسات والاطوال الات عرض

(9,5-8-8 سوبر-16- 35)( باتيه-بل اند هاول- اه ري فليكيس)

ينتهى استعراض المعدات على عم فاروق

وهو ينتهى من ترميم فيلم مقاس 9.5 ويقوم بلفه بيده.

الدكتورمبهورا بما يحدث حوله

فاروق ينتهى من تركيب الفيلم على الة العرض ويبدا التشغيل ويطفئ النور

فاروق فى الظلام: انت ابن حلال والله يادكتور

يظهر دليل الفيلم على الحائط عليه أرقام وأشكال

وجه الدكتور منتظرا: ايه ده شارلى شابلن

قطع

م6

مادة فيلمية

جزء من فيلم نادر صامت

صوت عم فاروق: لا ده شبيه شارلي... ده بيقلده

قطع

م7 فجر \خارجي

حلم شارلى

شارع الحجارى السكندرى المبلط ببلاط قديم

الدكتور يسير امنا بطيئا يتأمل البيوت السكندرية القديمة

وهو مرتد ملابس شارلى ولكن خطواته عادية الدكتور يحمل كاميرا 9,5 فى يده

فجأة تتوالى موجات من الناس التى تظهرمن كل الاماكن

من البيوت الابواب السيارات من خلف أعمدة الانارة من خلف صناديق البريد
والاكشاك يتفاداهم ويبدأ ايقاعه فى الاسراع

حتى يصل فى سرعته الى سرعة الفيلم الصامت

المطاردون يرتدون ملابس عادية ويسيرون بحركة شارلى

يجرى شارلى الدكتور بخطوات عادية ينزوي عند أحد المفارق

يصطدم برجل أسود يرتدي ملابس شارلى ويسير بطريقته

شارلى الاسود: مالك فيه ايه؟

الدكتور: خبينى من فضلك( لاهثا)

شارلى الاسود :متخافش الناس دي بتدور على شارلي

الدكتور : متطلعلهم..... مش انت شارلى؟

شارلى الاسود(ضاحكا): لا انا باقلده

الدكتور متعجبا: نعم!!!!!!!!؟

المطاردون يتحلقون حولهم , وجوه كثيرة تحملق فى الدكتور

قطع

م7 فجر \خارجي

حجرة نوم الدكتور

حجرة نوم الدكتور عبارة عن مرتبة واحدة على الارض مباشرة

ينام فوقها الدكتور يعانى من بقايا الكابوس

واشا تراقبه متفرجة عليه

يزداد انفعاله (نعم نعم مممممم)

تتحول من المراقبة الى الاهتمام به وتحتضنه

وترفع راسه الى حجرها وتبدأ فى تلاوة تعويذة قرانية( المعوذتين)

يفتح عينيه مطمئنا ويبتسم لها فى حب

اختفاء تدريجى

م9

لافته من نفس اللون المسيطر فى الحجرة السابقة

( اليوم التالى)

صوت المعلق: يعنى تانى يوم بعد الكابوس...اللى صاب الدكتور بعيد عن السامعين

واخدين بالكوا؟

صوت المخرج:ياللا يابن امبارح احنا ع الهوا.. فايف فور

المعلق: ايوه جااااى

المخرج: ثرى تو وان

المعلق: اهلا بكم فى برنامج خلف خلاف( صارخا) هل...؟

قطع

م10 نهار\داخلى

مخزن عم فاروق

عم فاروق جالسا يلف فيلم (16 )على بكرة صغيرة من بكرة كبيرة

الدكتور جالسا يراقب عم فاروق الدكتور: هو ده الفيلم اللى هانشوفو النهارده؟

فاروق: ايوه.. بس لازم يتقلب خد لف

يناوله البكرة( أول مرة يمسك الدكتور فيلما يمسكه بحرص زائد)الدكتور ينظر متسائلا

فاروق (ببساطة0): البكرة دى مقلوبة لازم سنونها تتعدل

يبدأ الدكتور فى اللف اليدوى ويلف فاروق بكرة أخرى على الملف

الدكتور: ماينفعش نلف البكرة دى على الجهاز ده؟

فاروق (بخبث): وانا اسيبك تلف ع الملف من أول يوم كده

الدكتور ينظر خارج الكادر: يا كابتن؟؟

يدخل المذيع حاملا الميكروفون فى يده:أى خدمة يا دكتور؟

الدكتور يأخذ منه الميكروفون ويسنده جانبا:ادينى البتاع ده

يناوله البكرة: امسك ..لف على القلم ده..تمام

يبتسم فاروق وهو يلف الفيلم بكرة الفيلم تتحرك بين ايديهما , البكرة تدور فى الملف

مزج

7 comments:

Malek said...

الى ي الجميل كما وعدته
والى الصديق العزيز شريف نجيب
والى محمد طارق زنجي
والى وليد عبد الله اخي الاصغر الجميل
والى ياسر ثابت
وخالد كف
مع الحفاظ على الالقاب
خالص التحيات
اسامة

eman said...

يعنى ايه برس فرنساوى
9,5

؟؟؟

والمؤثرات .. هل هى بالضبط زى الكرتون !!!
يعنى بحيث , مثلا , لما تحرك (اشا) عيونها ,, تطلع فعلا , (بلنك بلنك) ؟؟؟

وليش اسم اشا !!
هذا اسم هندى !

>>>>>>>>>>
دكتور انت عملت مالك جوجل !
لييييييه !!
انا ما اعرف شلون اكتب اسمى بحيث تطلع مدونتى لما تضغط على اسمى

aboyehia said...

صباح الفل يا دكتورة
برس فرنساوي هي اداة لصق قطع الفيلم الى بعضها البعض
من انتاج فرنسي وهي مشروحة في النص
9.5هي مقاس الشريط وهي نوعية من شرائط السنيما من ابتكار شركة باتيه الفرنسية التي كانت من اكبر شركات السنيما في العالم
المؤثرات زي الكارتون
يعني فعلا بلينك بلينك زي ما حضرتك قلتي
ليه غيرت الى الجديد
هي غلطة لاني غيرت الباسوورد ولقيت انه بيطلب مني اغير للجديد قلت ماشي
وكمان عشان احط لينكات و عداد
آسف جدا وآخر مرة

u3m said...

شكرا كثيرا يا دكتور على الاهداء . اول مرة اقرأ سيناريو حقيقى !!

ونيجى لاهم سؤال .. مين الناس اللى فى السيناريو يا دكتور ؟؟
سيبك من المذيع ابن امبارح ده ممكن نستثنيه .. لكن باقى الشخصيات تبقى مين؟
لانى حاسس ان النص شخصى وليس مطلق

نقدر نطمع فى تحليل يوضح بعض النقاط والاسقاطات الفنية اللى فى النص ولا نستنى شوية ؟؟

Ossama said...

استنى يا ي...
كويس انك لقطت فكرة ان النص فيه بعد شخصي
بس على فكرة اي نص كده و لكن فكرة المعادلة الدقيقة غير مطلوبة ولا حقيقية
بمعنى الشخصية بعد ما بتكتب بتهرب من كاتبها
لكن طبعا هو السيناريو على الرغم من انه فانتازيا او بالادق فانتازماجوريا والفرق التصنيفي في فنون الكتابة موجود وليس هذا مجال شرحه
الا انه يعتمد في الاساس على شخصيات شبه واقعية او واقعية و سيتضح اكثر عند الاستكمال قو ل ان شاء الله
الف شكر على المتابعة يا جميل

elmagic film said...

يا مرحب
يا أوس أوس
طب كنت بلغني ياراجل
ان (نصي) هنا
عشان اجيب معازيم
عموما
أنا ورضا خليل بنعزمك انت وزوارك
على منتدانا وموقعنا
أنا المصري
وما أدراك ما المصري
http://www.analmasry.com/
http://www.analmasry.com/vb
محمد حسان

Malek said...

يا مرحب بيك يا محمد
ما انت مقموص وعامل زعلان وشغال تأوووويل ولا بتوع الهرمنيوطيقا
يا راجل العهد البائد ايه و العهد الحالي ايه؟؟؟
كنا بنتكلم في الكورة يا حاج
على العموم
مشششششششششششششكوووررررر يا عم
على المرور ومبروك المنتدى الجديد
وفيه كمان منتدى نهاوند
ابقى زورنا
nahawand.org